نبيلة عبيد: بحب لقب «غول تمثيل» وضحيت بحياتي الأسرية من أجل الفن| فيديو

حلّت الفنانة نبيلة عبيد، ضيفة في برنامج "صدى الملاعب" مع الإعلامي مصطفي الأغا، المذاع على قناة "MBC مصر" وتصدرت محركات بحث جوجل خلال الساعات القليلة الماضية، وذلك بعد تصريحاتها عن حياتها الخاصة والخلاف القديم الذي كان قد وقع بينها وبين نادية الجندي، وكم عدد العمليات التجميلية التي قامت بها في حياتها، وكم مرة تزوجت فيها.
اقرأ أيضا| نبيلة عبيد: قدمت 90 فيلما وحياتي تشبه رواية «وسقطت في بحر العسل»| فيديو
كشفت النجمة نبيلة عبيد، عن أفضل لقب شعرت أنها تستحقه، قائلة: "سيبك من كلمة نجمة مصر الأولى دي.. دي أنا هقولك جت إزاي اتطلبت مني.. يعني إن أنا ممثلة كويسة وإن أنا لما يتقال دي غول تمثيل.. لأ دي نبيلة عبيد.. كفاية ده".
وتحدثت نبيلة، عن أفضل الأدوار التي قدمتها خلال مسيرتها الفنية، قائلة: "بص أنا عاملة عدد كبير من الأفلام، وكل شخصية مختلفة ولكن الحاجة اللي كانت لمساني شوية كده إلى حد ما أنا كنت عايزة موضوع واتعرفت على الأستاذ إحسان عبد القدوس ولما روحت له رشحلي رواية اسمها وسقطت في بحر العسل وقالي خديها أعمليها.. لما خدتها وقريتها كنت بمر بحالة مشابهة حالة أنا كنت بمر بيها مشابهة للموضوع ده .. كمان فيه أفلام مثل رابعة العدوية والراقصة والسياسي".
وردًا منها على سؤال هل الفن يستحق أن تضحي بحياتك الأسرية من أجله؟، قالت نجمة مصر الأولى: "دي رغبتي وأمي الله يرحمها كان ممكن أعملها أي حاجة لكن تشوفني زوجة وعندي طفل.. وتعبت معايا فترة طويلة.. وكل واحد بيتقدم لي عايزني أقعد في البيت ما أشتغلش".
وأضافت: "لا يوجد منتج طلب مني الزواج وقالي إنه سوف ينتج أفلامي.. أنا اللي كنت بروح أشتري الروايات بعد كده لما اتعرفت على إحسان عبد القدوس بقيت أنا اللي اشتري الروايات".
وتابعت: "كل واحد عايزني زوجة في البيت ليه تنزل وتقعد تحتك بده وده.. يعني العقلية مختلفة عن اللي أنا عايزاه.. عن اللي أنا عايزة أعمله.. كنت عايز أوصل للي أنا واصلة له دلوقتي واللي أنا عملته دلوقتي".