الرئيس السيسي: التحديات والعداوات «سُنة الحياة» ولن تنتهي من أي أمة

تحدث الرئيس عبدالفتاح السيسي عن فترة الدولة المصرية خلال عام 1967 قائلا: "الكلام اللي بيتقال ده عن الفترة دي بيكون فقرة من الفقرات.. سواء خطاب زي اللي بنتكلم فيه دولقتي.. فرق كبير بين أن تمسع فقرة.. أو تعيش واقع.. الأجيال اللي كانت موجودة ربنا يديهم الصحة.. بنتكلم عن أكثر من 50 سنة.. اللي عاصروا اللي بقول عليه ده.. والدولة دي كانت عايشة ازاي وكانت بتتكلم ازاي وبتأسي ازاي .. كتير منهم مش موجود دلوقتي".
وأضاف الرئيس السيسي خلال الندوة التثقيفية للقوات المسلحة "أكتوبر.. إرادة وطن" بمناسبة الذكرى 49 لحرب أكتوبر المجيدة: "بقول الكلام ده لأنه مهم أوي في الظروف اللي إحنا فيها.. دايما التحديات والعداوات موجودة هذه سنة الحياة ولن تنتهى من أي أمة.. هي كورونا كانت ايه.. ده اختبار وحكمة من ربنا".
وشهد الرئيس عبدالفتاح السيسي اليوم الثلاثاء 4 أكتوبر الندوة التثقيفية للقوات المسلحة "أكتوبر .. إرادة وطن" بمناسبة الذكرى 49 لحرب اكتوبر المجيدة.
صرح بذلك السفير بسام راضي المتحدث الرسمي باسم رئاسة الجمهورية.
حضر الندوة رئيس مجلس الوزراء الدكتور مصطفى مدبولي والقائد العام للقوات المسلحة وزير الدفاع والإنتاج الحربي الفريق أول محمد زكي وعدد من الوزراء وكبار رجال الدولة.
وبدأت الندوة التثقيفية للقوات المسلحة "أكتوبر.. إرادة وطن" بتلاوة آيات من القرآن الكريم والتي تلاها الشيخ أيمن عقل.
وعُرض خلال الندوة التثقيفية للقوات المسلحة عدد من الأفلام التسجيلية لبطولات رجال القوات المسلحة المصرية خلال حرب أكتوبر المجيدة.
وعقب ذلك قدمت الممثلة هبة مجدي فقرة تحت عنوان (شعلة النصر) حيث قالت إنه بمناسبة مرور 49 عاما على انتصارات أكتوبر المجيدة نطلق (شعلة النصر) ليتم تسليمها من جيل إلى جيل، وتتحرك الشعلة حتى تصل إلى قناة السويس في منطقة النصب التذكاري بالإسماعيلية، أول مكان تم رفع فيه العلم المصري على الضفة الشرقية من القناة في حرب أكتوبر.
وأضافت أن شعلة النصر ستظل مضاءة حتى العام المقبل، وذلك احتفالا باليوبيل الذهبي لنصر أكتوبر.