نهى العمروسي: «مش مخاصمة الفن لكن يعرض علي أعمال فنية مش من قيمتي»

قالت الفنانة نهى العمروسي:"انا مش مخاصمة الفن ولكن بيتعرض علي أعمال وحشة ومش من قيمتي علشان كده برفضها".
وتابعت خلال لقائها ببرنامج "كلام الناس" المذاع علي قناة "ام بي سي مصر":" انا مش ههزق نفسي بالمشاركة في أدوار مش من قيمتي، وأنا مقدرة نفسي ويا جبل ما يهزك ريح مهنتي".
وأكملت: "لو الفن مقدرنيش خلاص عادي مش هتقهر ولا اتشحتف لإني أقوي من كده ومش هاشتغل تمثيل".
ولفتت:"مصدر دخلي من عند ربنا ودي حاجة تخصني، ودلوقتي بنمي روحي وثقافتي واستخدم الإنترنت بشكل مفيد اني أثقف نفسي واقرأ كتب واتعلمت الرسم".
وأضافت:"انا عندي كبرياء وكرامة واترفع اني اطلب شغل فني من أي حد حتي لو كان مقرب، ومش قيمتي اني أطلب من حد انه يشغلني والدور لازم ينده عليا وأنا قابلة ان الفن يبعد عني".
وأشارت:"حزنت وعيطت لما مضيت علي مسلسل بثمن بخس، واتقهرت ساعتها علي نفسي لإنه مكانش من قيمتي العمل ولا الأجر".
ولفتت:"حاولت كتير يكون لي بيزنس بعيدا عن الفن بس مكانتش بتنجح وتفشل بسبب ظروفي المادية، بس أنا هارجع أعمل مشروع جديد".
اقرأ أيضا | سفير روسيا: فخورون بصداقة مصر.. والصين حققت نموا اقتصاديا خلال كورونا