طارق حامد: لم أهرب أو أتمارض .. وأتمنى فوز الزمالك بالدوري

حرص طارق حامد لاعب وسط فريق الزمالك على الحديث مع زملائه في الفريق الأبيض قبل رحيله عن صفوف الزمالك، موجهاً لهم عدة رسائل.
وقال طارق حامد للاعبي الزمالك: " مبروك على الكاس تستهلوا البطولة، كان نفسي أكون موجود معاكم، بس الظروف كانت مش كويسة ، فيه حاجات مش واضحة، بعدين أوضحها لما تكون الظروف مناسبة".
وتابع: "فيه أوقات مينفعش تبص لنفسك بس، لكن بتبص للفريق والنادي، والوقت ده مكنش ينفع فيه كلام عشان استقرار الفريق".
وأكمل: "قدامكم بطولة الدوري، بطولة مش صعبة ومش سهلة في نفس الوقت، مش هتكون صعبة لو ركزتوا على ماتش ماتش وكسبتوه، زي ما حصل السنة اللي فاتت، وكسبنا آخر 7 ماتشات وخدنا البطولة في ظروف استثنائية، لو حافظتوا على الدوري السنة دي مش هيكون إنجاز، هيكون إعجاز".
وأضاف: "كنت أتمنى إني أساعدكم، لكن أنا عمري والله لا هربت ولا أدعيت إصابة ولا أتمارضت، 8 سنين في الزمالك بدي كل حاجة جوة الملعب وبرة الملعب، وبساعد كل الناس من قلبي، بتمنالكم التوفيق، وإن شاء الله أشوفكم على خير".
وأعلن البرتغالي جوسفالدو فيريرا المدير الفني لفريق الكرة الأول بنادي الزمالك عن قائمة الفريق التي ستخوض مباراة سموحة المقرر لها مساء غدًا الأحد باستاد القاهرة في إطار مباريات الجولة السادسة والعشرين لمسابقة الدوري المصري الممتاز.
وتضم القائمة كل من:
حراسة المرمى: محمد عواد - محمد نديم.
خط الدفاع: محمود حمدي "الونش" - محمود علاء - محمد عبد الغني - محمد طارق - حسام عبدالمجيد - عبدالله جمعة - أحمد فتوح - محمد عبد الشافي - حازم إمام - حمزة المثلوثي.
خط الوسط: محمد أشرف " روقا" - إسلام جابر - سيف فاروق جعفر - يوسف إبراهيم " اوباما " - محمود عبدالرازق "شيكابالا " - أيمن حفني - أحمد سيد "زيزو".
خط الهجوم: سيف الجزيري - سيد عبدالله" نيمار".