أبرز تصريحات شيرين عبد الوهاب ضد حسام حبيب وحسن أبو السعود | فيديو

أطلقت الفنانة شيرين عبد الوهاب، تصريحات نارية ضد زوجها السابق حسام حبيب، خلال مداخلة هاتفية مع الإعلامية لميس الحديدي في برنامج «كلمة أخيرة» والذي يذاع على قناة أون الفضائية.
شيرين عبد الوهاب لم تكتفِ بتصريحات ضد حسام حبيب، بل خانها التعبير فأساءت للموسيقار الراحل حسن أبو السعود، وهو ما استدعى أسرته للرد عليها في بيان عاجل.
وقالت الفنانة شيرين عبد الوهاب: «أريد أن أستغفر الله تعالى على الكذب اللي كذبته عشان أخلى صورة إنسان تبقى كويسة» في إشارة لزوجها السابق حسام حبيب.
شيرين عبد الوهاب وحسام حبيب
وأضافت شيرين عبد الوهاب: «حسام حبيب ضربني وسحلني على الأرض وهو اللي حلق لي شعرى، وأنا عاوزة حقي منه»، مضيفة: «أنا بنت أصول وكنت عاوزة أرفع صورة إنسان ممكن يروح في يوم من الأيام يتجوز من عيلة تانية، ولو كنت قلت كلام وحش وقتها مكانش هيعرف يتجوز، وأنا نفسى يتجوز ويبعد عني».
وتابعت شيرين عبد الوهاب: «كنت عايشة مع زوج مش بيشتغل تقريبًا، ولا بيخرج ولا بيشوف أهله ولا أصحابه وكل همه حب الامتلاك، وكنت محبوسة 24 ساعة في أوضة نومي مش بعمل حاجة، قاعدة بس.. أنا كنت عايشة زي الفئران في المصيدة».
شيرين عبد الوهاب: حسام حبيب سرق سيارتي وهددني بالسلاح
واتهمت شيرين عبد الوهاب، زوجها السابق حسام حبيب بسرقة سياراتها، قائلة: «حسام حبيب سرق العربية من قدام البيت مستغلا تواجدي في الساحل.. وكنت متكفلة بمصاريف بيته الثاني واللي فيه والد حسام حبيب ووالدته.. طول عمره ما بيشتغلش، وأهله باصين لي في كل حاجة».
وتابعت شيرين عبد الوهاب: «حسام حبيب طلب 10% من أرباح شغلي.. أنا اتجوز قرد وما أرجعش ليه تاني»، مؤكدة: «أنا أستاهل الضرب عشان طلعت قولت مابيخدش مني فلوس أنا آسفة للناس عشان كدبت عليهم، وهتعب عشان أرجع تاني شيرين اللي ضيعتها».
كما اتهمت شيرين عبد الوهاب، زوجها السابق حسام حبيب، بحمل السلاح وتهديدها، قائلة: «حسام حبيب حمل السلاح في وجهي وفي وجه بناتي.. عيالي كانوا هينضربوا بالرصاص، قبلها بيومين قاعدين في الأوضة، طلع من الدرج علبة فيها رصاص، وراح مديني رصاصة وقال لي خدي دي منى هدية!، والحمد لله إني لسه عايشة».
وأضافت: «اللي حصل بعد ما هديت من الكارثة حسيت إن أنا مش قادرة أستغنى عنه وأديله فرصة تانية، ورجعت فقولنا ندي فرصة تاني بشروط، وبناتي في بيت تاني ونشتغل، إلا أن الوعود ابتدت تتلاشى والمشاكل رجعت مرة أخرى»، مستطردة: «كل خناقة تحصل ما بينا يحرق دمي لحد ما أمسك المكنة وأحلق شعري».
وقال حسام حبيب في مداخلته: "أكيد هيبقى في إجراء قانوني .. عمري ما دافعت عن نفسي وعمري ما أتكلمت وده كلام كله مرسل وأنا الكلام اللي هرد بيه إنشاء الله كلام كله موثق ومش هقول كلام مرسل". pic.twitter.com/4jymYunkj0
— ET بالعربي (@ETbilArabi) July 19, 2022
رد حسام حبيب على شيرين عبد الوهاب
من جهته رد الفنان حسام حبيب، على التصريحات التي أدلت بها زوجته السابقة شيرين عبدالوهاب.
ونشر برنامج «et بالعربي»، على صفحته الرسمية على موقع التدوينات القصيرة «تويتر»، تسجيلا صوتيا ل حسام حبيب، يرد فيه على تصريحات شيرين عبد الوهاب، مؤكدا أنه قرر اللجوء للإجراءات القانونية للحصول على حقه على إثر هذه التصريحات.
وأضاف حسام حبيب: «هيكون فيه إجراء قانوني.. أنا عمري ما دافعت عن نفسي.. الكلام اللي أنا هرد بيه كلام كله بوثائق، مش هقول كلام مرسل، كل حاجة دلوقتي بحضرها»، مستطردا: أنا كنت ساكت حفاظا على شيرين وسمعتها، وعلى بيتها.
شيرين عبد الوهاب والموسيقار حسن ابو السعود
وفى سياق متصل، أصدرت أسرة الموسيقار الراحل حسن أبو السعود، بيانا عاجلا ردا على تصريحات شيرين عبد الوهاب، مع الإعلامية لميس الحديدي والتي سخرت فيها من وزن الموسيقار الراحل.
وقالت أسرة حسن ابو السعود في بيانها: «في ميزان الإنسانية إيه قيمة الموهبة إذا اقترنت بالإساءة والأذى؟.. التنمر والسخرية من الناس عيب.. بس العار الحقيقي التنمر والسخرية من شخص ميت، ومش هنقول شخص واكلين معاه عيش وملح وله فضل علينا.. لأن قليل الأصل ممكن يتناسى وينكر ده عادى، لأن الإساءة لشخص ميت مستوى أكثر انحدارا من الشر والدناءة».
وأضافت أسرة حسن ابو السعود: «وقت الحساب.. المسيء حيقول لربنا إيه؟.. حيقوله لأ متحاسبنيش إنى بتريق على ميت وبجرحه وبجرح محبيه وأسرته، أصل أنا موهوب أو مشهور أو غنى؟ لأ متحاسبنيش أصل أنا أحسن فنان في الكون؟».
شيرين عبد الوهاب وحسن ابو السعود
وتابعت أسرة حسن ابو السعود: للأسف المسيء في ابتلاء شديد، مش فاهم انه عمال يحفر ويوسع في الحفرة لنفسه.. للأسف الشر زايد وقلة الأصل زايدة وقلة الأدب مسكوت عنها، وكمان الأفاقين ماسكين راية دفاع مستديم عن الظلم والإيذاء.. ميزان وبيتملي..ربنا يجعل وجع قلبي ودعائي الليلة دي وليالي قبلها بسبب».
وذكرت شيرين عبد الوهاب الموسيقار الراحل حسن أبو السعود بألفاظ اعتبرتها أسرته أنها مسيئة، حيث قالت: «أنا ما أدمنتش الأدوية زى ما أبوه بيقول.. ولو كنت أدمنت الأدوية وتعبت وتخنت.. فده عشان حياتي معاه.. أنا كنت زى البدر، ولما عاشرته، بقيت شبه حسن أبو السعود.. لكن خلاص أنا مش فاضياله دلوقتي، وبحضَّر أحلى أغاني، وأحلى فيلم.. وفيه دنيا مستنياني وعالم تاني».
لميس الحديدي تعلق على تصريحات #شيرين_عبد_الوهاب: الست لما تكون مقهورة بتعك.. ومن حق باقي الأطراف ترد#كلمة_أخيرة @sherine@lameesh pic.twitter.com/OMyRlUPYoM
— كلمة أخيرة مع لميس الحديدي (@KelmaAkhira) July 19, 2022
تعليق لميس الحديدي على تصريحات شيرين عبد الوهاب
من جانبها، قالت الإعلامية لميس الحديدي، إنها تعتذر عن بعض الكلام الخاص بالتصريحات التي صدرت من الفنانة شيرين عبدالوهاب أثناء انفعالها، خلال مداخلتها الهاتفية معها في برنامج كلمة أخيرة مساء أمس الثلاثاء.
وأضافت لميس الحديدي على صفحة كلمة أخيرة على تويتر: «هى ست موجوعة وممكن تبقى متلخبطة وممكن تكون مواقفها أحيانا متضاربة».
وأشارت إلى أنه من حق كل الأطراف التي تم ذكرها في هذا الموضوع أن يكون لهم رد على تصريحات شيرين عبد الوهاب، وذلك حتى تحفظ المواقف القانونية، لافتة إلى أن المرأة عندما تكون موجوعة ومقهورة من الممكن أن تخطئ، مضيفة: «مش بتبقى عايزة تهد بيتها ولا تطلق تاني ولا تدخل على بناتها رجل تاني».