الاعتداء بالضرب والتهديد بالرصاص اتهامات خطيرة من شيرين ضد حسام حبيب والأخير يرد باللجوء للقضاء.. فيديو

تصريحات نارية واعتذار وكشف حقائق ملخص المداخلة الهاتفية للفنانة شيرين عبد الوهاب مع الإعلامية لميس الحديدى على قناة "ON"

شيرين قدمت اعتذارها للجمهور قائلة: "عاوزة أستغفر ربنا على الكذب اللى كذبته عشان أخلى صورة إنسان تبقى كويسة أنا كذبت ودى أكتر حاجة ربنا مبيحبهاش"
وبررت شيرين كذبها بقولها "كذبت فى حاجات كتير لأنى بنت أصول وكنت عاوزة أرفع صورة إنسان ممكن يروحفى يوم من الأيام يتجوز من عيلة تانية وأنا نفسى يتجوز ويبعد عنى وأخلص منه"
وعن تفاصيل حياتها قبل الانفصال قالت: "بقالنا 4 سنوات أنا وبناتى شايفين الويل كنت عايشة مع زوج مش بيشتغل ولا بيخرج ولا بيشوف أهله ولا أصحابه وكل همه حب الامتلاك وكنت محبوسة 24 ساعة فى أوضة نومى مش بعمل حاجة"
وكشفت كواليس خلافها مع طليقها وقالت: "أنا خرجت من الجوازة دى بالوكسة والحسرة لازم أروح أتعالج من آثاره عليا"
وأضافت: "كنت متكفلة بمصاريف بيته التانى لو عملت أغنية ناجحة أمه هتقول اشمعنى ابنى حسام حبيب عاطل بالوراثة"
وقالت: "حسام طلب 10% من أرباح شغلى أنا أتجوز قرد وما أرجعش ليه تانى ومش عايزه أعرف حد اسمه حسام تانى"
وعن حمل حسام السلاح فى وجهها قالت: "عيالى كانوا هيضربوا بالرصاص قبلها بيومين قاعدين فى الأوضة طلع من الدرج علبة فيها رصاص راح مدينى رصاصة وقال لى خد دى منى هدية"
واتهمت شيرين طليقها بالاعتداء عليها بالضرب قائلة "كان بيضربني ويسحلني على الأرض ويشتمني ولما رجعت له كان بشروط إن كل واحد له بيته بس المشاكل رجعت تاني وأنا عندي مشكلة في شخصيتي إني لما بتعصب بأذي نفسي مش غيري"
وفى لحظة انفعال قالت شيرين: "كنت شبه البدر بقيت شبه حسن أبو السعود بعد ما عرفته"وهو الأمر الذى أثار غضب رشا ابنة الموسيقار الراحل وقالت "عيب وحرام اللى قالته ده فيه عائلة كاملة بتدعي عليكي دلوقتي ده تنمر، والدي كان مريض"
فيما رد الفنان حسام حبيب على اتهامات شيرين عبد الوهاب وقال "هيبقى في إجراء قانوني أنا عمري ما دافعت عن نفسي أو اتكلمت دا كلام كله مرسل لكن اللي الكلام اللي هرد بيه هيكون بالمستندات كل حاجة بحضرها"
وبرر صمته طوال الفترة الماضية بقوله "حفاظا عليها وعلى سمعتها وعلى بيتها مكنتش بتكلم لكن دلوقتي هضطر اتكلم وهطلع الحقائق والمستندات"