مبروك عطية: «عريس الإسماعيلية جاب دبدوب لعروسته قبل ما يعجنها علقة»

علّق الدكتور مبروك عطية، على حادثة ضرب زوج لزوجته ضربًا مبرحًا بالإسماعيلة، بعد أن اشتكت أخت الزوج من قيام الزوجة بسبها.
وقال عطية من خلال بث مباشر له عبر صفحته على موقع التواصل الاجتماعي فيسبوك: من ساعتين في الإسماعلية، عريس ضرب عروسته علقة وهى في سنتر الميكب وأغمي على العروسة وهى بفستان الفرح، المفروض يسموه فستان الجرح، وبالصدفة عربية شرطة معدية بالإسماعلية في شارع السلطان حسين وأخدتهم على قسم الشرطة في ليلة الدخلة.
وأضاف عطية: المذيع بيسأل واحد من اللي شافو الحادثة قال: إن أخت العريس طلعت للعروسة السنتر ونزلت قالت للعريس دي شتمتني، فقام العريس طالع الدور التالت عاجنها علقة ونزلها على السلم وضربها تحت وسط المعازيم ولم يتقدم رجل لإنقاذ العروسة، دخلة أيه وفرح أيه ده ويوم خميس أيه!
وتابع عطية: أنا جايب الحادثة دي مش علشان أقول إن العريس من كام ساعة كان فيه عيد حب وجاب لها دبدوب؟! كانت تعرف إنه هيعجنها في ليلة الدخلة!
وأضاف زمان كانت الناس تتقول خلي الليلة دي تعدي على خير.. هو حد بيفكر في نكد وفي خناقة في ليلة زي دي..ولكن اختفت العبارة..دلوقتي احنا بتوع عنها ما عدت!
وأشار عطية: البعد الآخر إن الحادثة حصلت في الإسماعيلة بلد الجمال..بلد المانجا..والموروث عندنا في الثقافة إن أهل البلاد الزراعية واللي قريبين من البحر وعندهم مظاهر جمال بتبقى طباع سكانها رقيقة وجميلة! احنا بوظنا الثقافة!
إقرأ أيضاً .. عالم أزهري: فتاوى مبروك عطية أشد خطورة من أغاني المهرجانات