«بحبك يا جوزي».. أول تعليق من رنا سماحة بعد عودتها لسامرأبو طالب

وجهت المطربة رنا سماحة، رسالة إلى زوجها الملحن سامر أبو طالب، وذلك بعد انتهاء الخلاف بينهما وعودتهما مرة أخرى.
وكتبت رنا سماحة، عبر حسابها الرسمي على موقع التواصل الاجتماعي "انستجرام :" الحمدلله يا حبيبي ربنا يخلينا لبعض يا رب، ويخليك ليا ولمالك يا رب ويبعد عننا اي حاجه وحشه".
تابعت رنا سماحة:" عيشنا فتره صعبه والحمدلله انها عدت، مفيش بنا أسف يابو مالك، ربنا ميحرمناش من بعض ويحفظ بيتنا ويكبر ويعمر بوجودك وسطنا يارب امين، بحبك يا جوووووزي".
وفاجئ سامر أبو طالب، جمهوره ومحبيه مساء أمس، بنشر فيديو على "إنستجرام"، يجمعه بزوجته رنا سماحة بعد فترة من الخفلافات بينهما.
وعلق سامر ابو طالب على الفيديو :" أولا الحمد لله، ثانيا هقول الكلمتين الجايين دول ل(أم مالك)، مراتى حبيبتى وأم ابنى اللى اكتشفت فى الفترة اللى فاتت دى أنى ماقدرش أعيش من غيرها ولا حتى بكون مبسوط فى أى حاجة حتى أبسط الأشياء هى لازم تكون فيها معايا بحبها أوى بجد ".
وأضاف سامر أبو طالب: "يمكن كنت أوقات بعند بس اكتشفت أنى فعلا ما ينفعش أكون غير ليها وهى ماتنفعش تكون غير ليا.. آسف لو زعلتك فى أى حاجة وربنا يباركلى فيكى ويحفظنا من كل شر ويبعد عنا الحسد والحقد واللى كارهين يشوفونا مرتاحين وهاديين، والحمدلله دائما وأبدا.. ".
وتابع سامر أبو طالب: "نيجى بقى ل(برنس قلبى) ابنى وقرة عينى حبيبى وصاحبى وأخويا اللى لسه ماشوفتوش (مالك) مش هقولك غير أنى بحبك ولما تيجى بالسلامة هقولك حاجات كتير أوى نفسى أقولهالك ومش هتفارق حضنى أبدا، بحبك يا رنا وبحبك يا مالك.. شكراً للناس اللى كانوا بيكتبولى كلمة حلوة عشان عاوزين يشوفونا تانى مع بعض".