نيللي كريم عن فارق العمر بينها وبين زوجها: الحب مفهوش حسابات

ردت الفنانة نيللي كريم على الانتقادات التي تعرضت لها بسبب فارق السن بينها وبين زوجها هشام عاشور لاعب الإسكواش السابق والممثل، خاصة أنه الزواج الأول لزوجها وتُعد الزيجة الثالثة لها.
قالت نيللي كريم خلال اتصال هاتفي مع ET بالعربي في أول حديث لها بعد زواجها: الحب مفهوش حسابات أول ما تبدي تحسب وتهتم بكلام الناس، هيجيلك هلع، أنا بمشي بمبدأ أمشي مع قلبك وإحساسك وهو توفيق من ربنا.
وأضافت: قرار مش سهل لأي رجل أنه يتجوز من نجمة خاصة لو راجل شرقي وده بيحصل لما يكون الراجل عنده ثقة زايدة في نفسه مليون في المية، والناس تقول اللي عاوزة تقوله أهم حاجة إني مبسوطة وسيب الكلام للناس.
وكشفت نيللي كريم أيضًا سر السعادة التي تعيشها بعد زواجها وهو ما بدا واضحًا من حديثها قائلة: هشام فيه ميزة بصراحة مش عاوزة اتكلم عليه كتير لكن كل موقف بيقلبها بضحك وهزار، والضحك بيطول العمر لما كل حاجة بناخدها بطريقة فكهاية الحياة بتكون الطف.
كما كشفت نيللي كريم عن أفضل ميزة تحبها بزوجها هشام عاشور قائلة: أحلى حاجة في هشام حاجات كتير مفيش ملل كل يوم الصبح مغامرات جديدة وحياة جديدة.
وأشارت نيللي كريم إلى أن روتين حياتها اختلف تمامًا بعد زواجها من هشام عاشور، حيث يستيقظا سويًا في تمام الساعة السابعة والنصف لممارسة التمرينات الرياضية، واصفة أن الروتين الذي تعيش فيه مع زوجها لطيف للغاية.
View this post on Instagram
A post shared by ET بالعربي (@etbilarabi)