قبل وفاته بيومين.. صاحب ورشة:«سامحوني أنا هسيبكم وهقابل رب كريم» | فيديو

هاني محمد ابراهيم صاحب ورشة كلاركات بشارع الوكالة بدمنهور توفى اليوم و قبل ما يموت بيومين طلع بث مباشر وبيقول سامحوني أنا هسيبكم وهقابل رب كريم هيكون أرحم من الدنيا كلها وهبقى في دار الحق.
وتداول عدد من رواد ومستخدمي مواقع التواصل الاجتماعي، "فيس بوك"، فيديو يظهر فيه الشاب هاني محمد إبراهيم مرسي في رسالة مؤثرة جدا معلنا عن وفاته قريبا بإرادة الله سبحانه وتعالى، وأنه سيرحل دون أن يغضب أحدا منه.
اقرأ أيضا|عزبة «خضر» بالبحيرة حائرة بين مدينة دمنهور وقرية الأبعادية
وقال الشاب هاني مرسي في مقطع الفيديو، "أنا عارف إني هموت قريب، كل أصحابي أنا بحبهم، ودي للذكرى ومحدش يزعل منى لو كنت زعلت حد، ويا رب ما ازعل حد، وأنا مش هزعل حد أنا ماشي، وأنا مش زعلان ده عمر بتاع ربنا، وربنا أراد بكده".
وتابع قائلا:"أنا مش زعلان والحمد لله، نحمد لله ونشكر فضله، وربنا حنين على عباده، وربنا هيكون حنين عليا أحسن من أي حد في الدنيا، السلام عليكم، أشوف وشكم بخير، ولا مش هشوف وشكم تانى".
وقال أحد أصدقائه، إن هاني أجرى عملية دعامة في القلب منذ فترة، ولم يعاني بعدها من أي مرض، وفي أخر يومين قبل وفاته كان يتعامل مع المقربين منه وأصدقائه على أنه سيموت قريبا جدا، وكان يودع الجميع، وطالب بعدم حذف الفيديو الذي قام بتسجيله حتى يتذكره الجميع به ويدعو له".