أشرف زكي: ليس لدينا معلومات عن حالة ياسمين عبد العزيز

أكد د.أشرف زكي، نقيب المهن التمثيلية، أنه ليس لديه أي معلومات أو تفاصيل عن الحالة الصحية للفنانة ياسمين عبد العزيز التي خضعت لعملية جراحية عاجلة مساء أمس، في أحد المستشفيات الخاصة.
وطالب زكي الجمهور بالدعاء لها قائلًا: «لم أتمكن من التواصل مع عائلة الفنانة حتى هذه اللحظة لكن أطالب الجميع بالدعاء لها».
وأوضح أنه حاول التواصل هاتفيًا مع الفنان أحمد العوضي زوج الفنانة ياسمين عبد العزيز، منذ مساء أمس لكنه لم يرد على اتصالاته حتى هذه اللحظة.
وكانت الفنانة ياسمين عبد العزيز، قد خضعت لعملية جراحية ثانية بعد خمسة أيام من إجرائها عملية جراحية أولى لإزالة ورم لمفي بالرحم، وتدهورت حالتها الصحية إلى أن دخلت في غيبوبة تامة منذ ما يقرب من 14 ساعة.
وكان الفنان أحمد العوضي، طالب الجمهور بالدعاء مجددًا لزوجته الفنانة ياسمين عبد العزيز، بعد دخولها غرفة العمليات.
وكتب أحمد العوضي: «يمكن ببان قدامكم دايما قوي.. لكن الحقيقة أنا دلوقتي أضعف إنسان على وجه الأرض عشان أنا روحي مش معايا.. أنا ضعيف جدا من غيرك إنتي لازم تبقي كويسة ولازم تقومي بالسلامة.. أنا لأول مرة أكتب من غير ما أكون مفكر أنا بكتب إيه وهكتب إيه ... بس انتي هتقومي إن شاء الله بإذن الله عشان إنتي وعداني وعد وهتتفذيه».
وتابع قائلًا: «أنا عاوزك تبقي كويسه وتقومي عشان اقولك اني لو كنت ببينلك إني بحبك مره فالحقيقي واللي جوايا اني بحبك ألف مرة.. وانا دلوقتي مش قوي زي ما انتي بتشوفيني انا دلوقتي ضعيف ضعيف جدا.. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك».
واختتم أحمد العوضي، حديثه قائلاً: «قومي عشان انا بحبك... بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا ... اكتر بكتير حتي من الموقف اللي احنا فيه دلوقتي .. انا بحبك .. ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم».