«رجل مكافح ويستحق التكريم».. رواد السوشيال ميديا يدعمون «راكب قطار منوف»

تداول نشطاء التواصل الاجتماعي "السوشيال ميديا" على فيسبوك واقعة تعدى الكمسرى على راكب القطار أمام ابنته، وظهرت حالة من الدعم للمواطن الذي يسمى محمد رشاد، وهو عامل بسيط توفيت زوجته وتركت له مسؤولية 3 بنات، أصغرهم ابنته مريم الطفلة التى كانت معه بالقطار وعمرها 8 سنوات.
قالت هدى إبراهيم من رواد "السوشيال ميديا": "كلنا شاهدنا مقطع الفيديو الذي ظهر فيه كمساري يهين رجلا أمام طفلته بحجة دفع غرامة لتجاوز محطة الوصول (منوف) بمحطة واحدة وطالبه ب 21جنيه غرامة وأقسم الرجل أنه لايملك هذا المبلغ فأهانه، ورغم عرض السيدة هناء وغيرها من الركاب دفع الغرامة بدلا عنه إلا أن الكمسري رفض" .
اقرأ أيضا| «سيدة قطار منوف» تكشف تفاصيل اعتداء «كمسري» على أب أمام ابنته
وتابعت: "ده الأب اللى الكمسرى اتعدى عليه بالضرب عشان مرضيش يدفع عشان مكنش معاه حق التذكرة وكان معاه بنته، ولما طلب منه ينزل ضربه ومع تدخل الناس الموضوع اتحول للتحقيق".
وقالت شيماء الأمير من رواد التواصل الاجتماعي: "لازم يتم تكريم المواطن البسيط ده لأنه رجل مكافح، زوجته متوفية وبيصرف على بناته ويستحق التكريم، مش من حق أي حد في منصب أنه يهين الناس لأنهم أقل منه وهو في منصب".
وجدير بالذكر أن السيدة هناء قنديل شاهدة على الواقعة قد كتبت القصة على صفحتها قائلة: "مواطن معاه تذكره وعدت المحطة، معاه بنته تقريبا 8 سنوات والكمسري طلب منه تحصيل الغرامة.. لحد هنا والقصة عادية، المواطن طلب انه ينزل لان مش معاه تمن الغرامة بردو بتحصل وعادي جدا.. اللي مش عادي أن الكمسري والمساعد بتاعه يضربوه بالقلم على وجهه أمام ابنته وفي الفيديو هناء بتتحايل على البيه الكمسري علشان ياخد منها الفلوس لانها كأم خافت على البنت الصغيرة والموقف المرعب اللي هي فيه.. والبيه الكمسري رفض ياخد منها الفلوس أو من أي حد تاني ومصمم أن المواطن هو اللي لازم يدفع أو يشده من قفاه.. هي صورت بعد محاولات كتير انها تدفع الغرامة والموقف يعدي لكن البيه الكمسري صمم على إهانة المواطن".