بلوجر باكية تناشد والدتها أن تتواصل معها

نشرت البلوجر والإنفلونسر ، زيزي سيف النصر، مقطع فيديو عبر صفحتها الشخصية ، على موقع التواصل الاجتماعي فيس بوك ، تطلب وتتوسل لوالدتها باكية التواصل معها بأي شكل، وتحدثها .
اقرا ايضا .. انخفضت لأدنى مستوياتها.. أمريكا والصين يعمقان جراح «بيتكوين»
ظهرت "البلوجر زيزي" وهي متزوجة من "كريم هشام" بلوجر ايضاً ، ولديها منه فريدة، وليلى، باكية ومتأثرة ببعد والدتها عنها، وطلبت منها وتوسلت إليها أن تتواصل معها، قائلة :" كلميني وأنا مش هقول لأي حد إني بنتك، ولا هقول إننا بنتكلم، حتى لو مرة واحدة في الشهر مكالمة واحد، عايزة بناتي يعرفوكي ليلى وفريدة".
وتابعت خلال مقطع الفيديو :" مش عايزة أعرف عنك حاجة وحشة لا قدر الله لو حصلك حاجة مش عايزة أعرف من الفيسبوك، ولو أنا حصلي حاجة مش عايزاكي تعرفي من الفيسبوك ".
وأكملت "زيزي" متأثرة بغياب والدتها عن حياتها، :" أنا لسه فاكرة حاجات حلوة أوي، لما تعبت وجريتي بيا على المستشفى، ولما كنتي بتجبيلي كل الحاجات الحلوة اللي بحبه، وتعمليلي اللي أنا عايزاه، أنا نفسي تبقي في حياتي ونرجع نتكلم تاني وبس، وصدقيني مش هقولك أي حاجة ولا هعاتبك على أي حاجة، ولا هقول لحد إنتي مامتي، ولا هعرف حد إننا بنتكلم أصلا، إنتي قافلة رسايل الفيسبوك، ونفسي الفيديو ده يوصلك بأي شكل، يا رب حد يبعتهولك، وتشوفيني وأنا بقولك محتاجاكي في حياتي وترجعي تكلميني تاني، أنا الفيديو ده عملاه ليكي وبس ومش عايزة غيرك".
ويأتي الفيديو بعد مجموعة من المنشورات التي دوما ما تناشد "البلوجر زيزي" فيها والدتها وتطلب منها التواصل، كان آخرها معرفة نبأ وفاة إحدى قريباتها من جهة والدتها، وتعزية والدتها موقع التواصل الاجتماعي "فيسبوك"، فقط، لتحاول بعد ذلك التواصل معها بأي شكل.