شريف مدكور يرد على انتقادات فيديو رفض السلف: «عيب ميصحش»

تعرض الإعلامي شريف مدكور إلى موجة من الانتقادات خلال الساعات الماضية، بعد إعلانه عن رأيه في طلب بعض الأشخاص اقتراض المال منه، وأعلن رفضه التام التجاوب وتقديم المساعدة إلى أفراد يطلبون الأموال منه عبر مواقع التواصل الاجتماعي على سبيل «السلف» لمساعدتهم في تسديد ديونهم.
وروى شريف مدكور في فيديو عبر حسابه على "فيسبوك" تفسيره لرفضه هذا الأمر قائلا: "ناس كثيرة هاجمتني مش عارف ليه وبقى تريند، يعني إيه حد ماعرفوش يبعتلي على الفيسبوك يقولي عايز استلف 50-100 ألف جنيه أولا اللي بيتزنق في فلوس عمره ما يبعت لحد مايعرفوش، أولا اللي عاوز يستلف عمره ما بيبعت لحد ميعرفوش هيبعت لحد من أهله، وفي حدود في الطلب والسلف".
وأضاف شريف مدكور: "في ناس قالوا عني أني قليل الأدب بس دي فلوسي وأنا بشقى فيها، يعني إيه أسلف حد معرفوش، أسلف حد قريبي عارف أن هو هيرجعهولي، يعني إيه واحدة تبعتلي تقولي عاوزة 100 ألف جنيه علشان اشتريت حاجات من ورا جوزي وهتفضح وهديهوملك كمان سنة، ولا واحد يقولي محتاج 6000 جنيه علشان أدفع قسط الموبايل اشتريت ليه الموبايل وأنت مش معاك فلوسة، مش عارف استوعب".
وأعرب عن استيائه من الذي يقول له: "خسارة فيك الدعاء اللي كنا بندعيهولك أما كنت عيان وعندك سرطان، أنا مطلبتش من حد يدعيلي أنا وقت مرضي حكيت اللي حصل والناس المحترمة دعتلي بس محدش يذل حد بالدعاء وأي علاقة هذا الأمر بما أقوله.. عيب حد يبعتلي يذلني على الدعاء اللي دعهولي وأنا حبيت أوضح لأني حسيت أني مش فاهم وأه قولت على قد لحافك مد رجليك.. وتعليقات الناس في منتهى السخافة أنا بوضح لو حد أعرفه من اللي حواليا عيني له لكن حد ماعرفهوش ومش صديق عندي على فيسبوك إزاي محبه فيّا بيطلب مني 100 ألف جنيه".
وتابع: "أنا مأمور في ديني أني أدفع زكاة وأتصدق، مش مأمور أني أسلف ناس إلا لو ناس أعرفها معرفة شخصية، مش طبيعي اللي بيحصل".
وكان الإعلامي أطلق رأيه بصراحة، منذ ساعات، وتسبب في غضب الكثير من المُتابعين، حيث قال: "صباح الخير ياريت محدش يبعت يطلب مني أنه يستلف فلوس علشان أنا ضد الموضوع دة، أنا عارف إن الحياة صعبة، بس على قد لحافك مد رجليك شكرًا.
يذكر أن شريف مدكور قدم برنامج "حول الأرض في 30 يوم" أثناء شهر رمضان المبارك، عرض البرنامج على إذاعة راديو النيل، كما يقدم برنامج "4 شارع شريف" على قناة الحياة.