بعد الهجوم عليه..شريف مدكور:"أنا حر في فلوسي"

رد الإعلامي شريف مدكور على الانتقادات العديدة التي تعرض لها، عقب إعلانه عن عدم تسليفه أموالاً لأي شخص، وذلك من خلال حسابه الشخصي على موقع التواصل الاجتماعي "فيسبوك".
نشر شريف مدكور مقطع فيديو جديد له، مُوضحاً خلاله أنه حدث سوء فهم من الجمهور، وأنه يقف مع المقربين منه الذين يكونون في أمس الحاجة إليه، ولكن هناك أشخاص من وجهة نظره لا تستحق "السلف".
وأضاف شريف مدكور:"عايز أفهم، يعني إيه حد أنا معرفوش يبعتلي على فيس بوك، يقولي أنا عايز أستلف 100 أو 150 ألف جنيه، أولًا اللي عايز يستلف ده لازم يكلم حد من أهله مثل خالته أو عمته أو أي حد مقرب منه، في ناس قالت عليا قليل الأدب وغليظ القلب، يعني إيه أسلف حد معرفوش، فلوسي اللي أنا تعبت فيها".
وأضاف شريف مدكور :"يعني إيه واحدة تبعتلي تقولي أنا محتاجة 100 ألف جنيه عشان اشتريت حاجات من ورا جوزي وهتفضح وهسددهملك على سنة، هل يا جماعة ده طبيعي؟، يعني إيه واحد يبعتلي يقولي محتاج 6 آلاف جنيه يقولي بقالي شهور مدفعتش قسط الموبايل هل ده مقبول؟ أنت اشتريت موبايل ليه أصلاً وأنت مش معاك فلوسه".
واختتم كلامه قائلاً :"يعني إيه الناس تقول على السوشيال ميديا خسارة فيك الدعاء اللي كنا بندعيهولك وأنت عيان، إيه اللي دخل ده في ده، وأنا عندي كانسر مطلعتش قولت للناس أدعولي، أنا حر في فلوس ربنا أمرني في ديني إني أطلع زكاة ولكن أنا حر في مالي، وأنا حبيت أوضح عشان الموضوع أخد أكتر من حجمة وقولت على قد لحافك مد رجليك السلف تلف شكرًا".