من حبه ربه حبب فيه خلقه.. شريف مدكور محارب السرطان بدون خوف

* رسائل حب وأمنيات بالشفاء تسيطر علي السوشيال ميديا
* شريف مدكور:
* بشكر ربنا إنه جابلي السرطان عشان يظهرلي الكم ده من الحب
* بتعالج علي نفقتي الخاصة في مستشفى حكومي مصري
«أنا هحارب السرطان ومش هخاف» بهذه الكلمات وقف الإعلامي شريف مدكور وخلفه محبيه محاربًا مرضه، فعقب إعلانه إصابته ب ورم سرطاني في القولون وجد سيل من محبة المواطنين له، وكذلك من النجوم والمشاهير الذين قاموا بتوجيه الرسائل الحب والمودة لدعمه.
«من حبه ربه حبب فيه خلقه» بهذه العبارة انهالت رسائل الداعمة لشريف مدكور، فمنذ إعلانه مرضه وطلبه من محبيه الدعوه له بالشفاء، فيما سيطرت رسائل حب وأمنيات بالشفاء وكلمات تحمل شعور بالصدمة على حسابات النجوم على مواقع التواصل الإجتماعي بعد علمهم بإصابة الإعلامي شريف مدكور بسرطان في القولون حيث حرصوا على التعبير عن حبهم الشديد له من خلال السوشيال ميديا.
ويأتي في مقدمة هؤلاء النجوم أحمد حلمي حيث نشر صورة له من خلال حسابه على إنستجرام وكتب :" مش طالب غير طلب واحد بس ادعوله بالشفا لأنه هيخف بدعواتكم" أما الفنانة داليا مصطفى فكتبت من خلال حسابها على الفيسبوك: "عن حبي وتقديري ليك مش لاقيه كلام عن حزني العميق بردوا مش لاقيه كلام وبجد مش قادرة أوصف مدى أخلاقك وجمال شخصيتك ومن كل قلبي بدعيلك إن ربنا يبعد عنك الأذى والمرض يا غالي ويشفيك".
وأضافت: "أرجوكم تدعوا لشريف لأنه فعلا محتاج الدعاء لأنه هو الحاجة الوحيدة اللي بترد القدر ولو حد يقدر يتصدق بهدف رد الأذى عنه ولو بجنيه يبقي كتر خيركم ويارب يارب تقوم بالسلامة يا صديقي العزيز " .
بينما كتبت منة فضالي من خلال حسابها أيضًا على فيسبوك: "شريف من الناس المحترمة اللي تبقي فخور بيها وكفاية إنه قلبه أبيض ومتصالح مع نفسه سلامتك مليون سلامه.. شيشو القمر تقوم بسلامه يا رب يا غالي" .
بينما غرد محمود البزاوي وكتب: "شريف مدكور بالنسبالي وجه التفاؤل والسعادة، حد اللي في قلبه على لسانه كده، كنت بتفرج على برامجه اللي دايما بيقدم من خلالها محتوى لطيف ولذيذ وعمره ما استخدمها للرد على الناس اللي بتعترض على شخصه، ربنا يشفيك يا شريف يا جميل وترجع لينا بكل صحه وسعادة زي ما عودتنا دايما شريف مدكور" .
اما الفنانة هنا شيحة فنشرت صورة للإعلامي بعد إعلان إصابته وكتب :" "ربنا يشفيك يا شريف.. أنت رجل خلوق وطيب والناس بتحبك وقلبك أبيض.. إن شاء الله تقوم بالسلامة".
بينما كتبت مي كساب :" ربنا يتم شفاك على خير" وكتبت نشوى مصطفى :" يا شريف أنا بحبك أنا وكل الناس اللي أعرفهم وامي لما عرفت أنك تعبان قعدت تدعيلك كتير اوي .. وبتقول أنك هتخف وهتبقى زي الفل ان شاء الله " .
اما الفنان كريم عبد العزيز فنشر صورة له من خلال حسابه على إنستجرام وكتب :" عمري ما قابلته بس روحه وقلبه الطيبيين خلوني أحبه" .
وأضاف :" شريف .. إن شاء الله .. ربنا سيجعل لك مخرجًا في هذه الأيام المفترجة" .
ونشر أحمد فلوكس من خلال حسابه على إنستجرام صورة لشريف مدكور وكتب :" ربنا يقومك بالسلامه يا شريف .. دعواتكم للراجل ده" .
و نشرت الإعلامية رضوى الشربيني صورة تجمعها مع الاعلامى شريف مدكور عبر حسابها الرسمي على موقع "إنستجرام"، وعلقت رضوى على الصورة قائلة: "بعد كلامى معاك النهاردة.. عايزة أقولك إنت مش طيب وجدع ومحترم لأ وشجاع كمان.. هتعمل العملية وترجع لينا ولجمهورك اللى بيحبك بإذن الله وأحسن من الأول كمان.. ادعوا له إن ربنا يتمم شفائه على خير".
كما وجهت الإعلامية لمياء فهمى عبد الحميد رسالة للإعلامى شريف مدكور بعد إعلان مرضه بسرطان القولون.
وكتبت له على صفحتها على الفيس بوك "أخويا وصديقي العزيز وعشرة العمر الصاحب الجدع من اكتر الرجالة المحترمين اللي ممكن الواحد يقابلهم في حياته أبو قلب طيب ونضيف الف مليون سلامه عليك ربنا يشفيك ويشيل عنك ويسعد قلبك زي ما انت سبب سعاده وبهجه لناس كتير ربنا بيحبك وبيختبرك وانت قدها عشان انت قريب من ربنا وناس كتير ماتعرفش الخير اللي بتعمله ان شاء الله ربنا هيشفيك ربنا مايحرمك من ضحكتك وصحتك وان شاء الله ربنا هيطمنا ويطمن قلبك وتقوم لجمهورك وكل الناس اللي بتحبك علي الف خير يا جدع يا محترم.
كما حرصت النجمة شريهان علي الدعاء للاعلامي شريف مدكور بعد الأزمة الأخيرة التي تعرض لها عبر صفحتها الشخصية بموقع التواصل الإجتماعي"انستجرام ".
وقالت شريهان، قائلة: "أذهب البأس رب الناس، اشف وأنت الشافى لا شفاء إلا شفاؤك شفاءً لا يغادر سقما، بيدك الشفاء ولا كاشف له إلا أنت يا رب العالمين. اللهم إني أسألك من عظيم لطفك وكرمك وسترك أن تشفيه، إنك على كل شيءٍ قدير"، مضيفة: "يقين ربى سيشفيك شريف مدكور".
ونشر الفنان محمد رمضان تعليقا عبر صفحته على موقع التواصل الاجتماعى فيسبوك وجه فيه رسالة مؤثرة إلى الإعلامى شريف مدكور وذلك بعد إعلانه منذ أيام عن اصابته بمرض السرطان فى القولون.
وعلق رمضان قائلا: "كل سنة وأنت بتضحك يا بطل يا صاحب أجمل طلة، ربنا يعافيك يا حبيبي".
قبل العملية
وقبل إجراءع عملية إزاله الورم السرطاني، اصر الإعلامي شريف مدكور علي تقديم حلقة من برنامجه " شارع شريف " المذاع عبر فضائية "الحياة"، وجه خلالها الشكر لكل محبيه الذين قاموا بالاطمئنان عليه ، ولكل من أرسل له رسالة دعم من مرضى سرطان.
وتابع "مدكور" أنه كان يعلم أن هناك أشخاصا يحبونه ولكنه لم يتوقع هذا الكم من الأشخاص الذين يحبونه والخائفين عليه".
وأَضاف "أنا مش حاسس انى عندى سرطان، بالعكس أنا حاسس إنى فى اختبار ربنا بعته لي عشان يقولي إن فيه أشخاص بتحبك وبتقدرك"، مرددا: "أنا بشكر ربنا إنه جابلي السرطان عشان يظهرلي الكم ده من الحب والدعم".
وزيرة الصحة
فيما زارت الدكتورة هالة زايد، وزيرة الصحة والسكان، الإعلامي شريف مدكور، وأهدت إليه "بوكيه" من الورد، وذلك بمستشفى دار الشفاء التابعة لأمانة المراكز الطبية المتخصصة.. وصاحب الوزيرة، خلال الجولة الدكتور محمد ضاحي، رئيس أمانة المراكز الطبية المتخصصة.
وعقب إجرائه جراحة إزالة ورم خبيث فى القولون حرص الإعلامي شريف مدكور على طمأنة الجمهور عليه.
وشارك "مدكور" جمهوره عبر صفحته الشخصية بموقع التواصل الاجتماعي "إنستجرام"، وظهر فى "لايف" على "إنستجرام" وهو بالمستشفى الذى أجرى به الجراحة، حيث قال: "كل سنة وانتوا طيبين ورمضان كريم عليكوا.. الحمد لله عملت العملية وإن شاء الله ابقى كويس.. عايز أشكر الناس اللى دعولى.. ربنا يخليكوا ليا.. إن شاء الله ابقى كويس.. كل سنة وانتوا طيبين.. ورمضان كريم".
ونفى مدكور علاجة علي نفقة الدولة، وذلك ردًا على سيدة مصرية طالبت بعلاج نجلها من مرض سرطان العظام على غراره، ووقال مدكور: "في سيدة مصرية محترمة جدا بتدعي لي بالشفاء وابنها عنده كانسر في العظام وربنا يشفيه، وهي بتقول زي ما شريف بيتعالج على نفقة الدولة ابنها كمان عايزاه يتعالج على نفقة الدولة، وأنا مش بتعالج على نفقة الدولة ومباخدش أي حاجة على حساب الدولة، ومش معنى اني في مستشفى حكومي، اني أبقى بتعالج على نفقة الدولة حضرتك".
وأضاف: "أنا بتعالج على حسابي الخاص في مستشفي حكومي فيه قسم استثماري، ودافع فلوس زي اللي بتدفع في المستشفيات الخاصة، فأنا حضرتك يا فندم مش بتعالج على نفقة الدولة ومفيش أي حاجة في حياتي بعملها على نفقة الدولة، حتى البنزين اللي بحطه في عربيتي، انا ممكن أحط 92 وبختار بنزين 95 عشان مبقاش بستخدم حاجة مش من حقي، والضرايب بدفعها في معادها ومفيش أي حاجة بعملها بمحسوبية أو بالواسطة".
وتابع: "النقطة التانية اللي عايز حضرتك تعرفيها أن وزيرة الصحة مجتش مخصوص، لكن كانت جاية المستشفي في زيارة بتفتتح دور في المستشفى وعرفت إن أنا موجود، وقالت: أنا عايزة أسلم عليه وكانت في نفس الدور"، مستطردًا: "أنا مش بتعالج على نفقة الدولة، ولا الوزيرة جاتلي مخصوص وأنا أخطرت المستشفى عشان الدكتور".