الست دلال «أشهر مسحراتية في رمضان» زي ما بسحر الناس بلاقي اللي يسحروني

قالت الست دلال أشهر مسحراتية في رمضان، إن في البداية كان البعض يشعر بالاستغراب من كون سيدة تعمل مسحراتية، ولكن بعد ذلك اعتادوا عليها نظراً لأنها كانت تصاحب أخاها قبل وفاته، فاعتادوا عليها بعد ذلك، «فيه مواقف أكيد بتحصل بس الحمد لله بقدر عليها».
وأضافت «دلال» خلال حوارها في برنامج «8 الصبح» المذاع عبر فضائية «دي إم سى»، أولادي كبار وبنتي بتسحر أخواتها، عقبال ماجي البيت، وزي ما بسحر الناس بلاقي اللي يسحروني، جيراني بيطلعولي كوباية عصير، أو طبق كنافة.
وأشارت الست دلال، أنا مبسوطة بالشغلانة دي عشان أنا كنت محرومة منها زمان، ولما وعيت عليها حبيت إني أشبع رغبتي في وسطيهم، المسحراتي مرحتش عليه وهيفضل لمليون سنة قدام، لأنه زيه زي الكنافة والقطايف وفوانيس رمضان وزي النقشبندي، ينفع يجي رمضان ومتسمعش النقشبندي؟ المسحراتي بالظبط زيه، أول مسحراتي في العصر الإسلامي كان سيدنا بلال.
وأكدت الست دلال، ناس كتير يطلبون أن أنادي علي اساميهم وأسامي أسرهم، حفظت أسامي ناس كتير منهم، ولكن يوجد بعض الأسامي التي لا تستطيع أن تتذكرها إلا إذا شاهدت وجه الشخص التي تنادى عليه.
وأوضحت اشهر مسحراتية في رمضان، صوتي يكون مجهد بسبب استمراري لمدة ساعتين في صوت مرتفع ومستمر، والفترة ما بين المغرب والسحور تستمر في شرب العديد من المشروبات الساخنة، وذلك حتي تستطيع من معالجة صوتها.