تامر حسني يكشف لأول مرة سبب طلب زوجته الطلاق | فيديو

كشف الفنان تامر حسني لأول مرة عن سبب طلب زوجته بسمة بوسيل الطلاق، وذلك في تصريحات لبرنامج "أجمد 7" على إذاعة وقناة "نجوم FM".
وقال تامر حسني: "بسمة تأثرت بالشائعات وبالكلام حولي وأنا أعذرها فهي أصغر مني والتمس العذر لها فهي مهما تحملت أنا أعذرها فحياتي صعبة ومعلش انتي أكبر من كدة وربنا يخليكي ليا ويخليلنا أولادنا.. وأقول لها في عيد الحب كل سنة وأنتي حبيبة قلبي".
ونشبت خلافات بين كل من تامر حسني وبسمة بوسيل في نوفمبر الماضي أدت إلى إعلان بسمة إنفصالهما بينما نجح تامر حسني في مصالحتها، وحاول تامر حسني، إنهاء خلافه مع زوجته بسمة بوسيل، ووجه لها رسالة عتاب بعدما أعلنت على السوشيال ميديا خبر انفصالهما، وكتب عبر خاصية ستوري على «إنستجرام»: «بسمة حببتي للأسف انتي مفكرتيش كويس وسلمتي ودنك لشر السوشيال ميديا عشان كان تعليق كلامهم فارغ نسَوكي إنك عرفتيني وأنا مشهور ودي طبيعة شغلي اللي عرفتيني عليها وحبيبتني بيها، أزاي وصلوكي للزعل والبعد فترة.. المهم أنا مش هزعل منك ولا يرضيني زعلك انتي حبيبتي وأم ولادي.. أنا ضهرك وسندك مهما حصل، بس اللي عايز أقوله لعل نكون سبب خير في توعية ناس كتير».
وتابع: «ليه لما أي حد بيزعل من حد بيطلع يكتب عليه في السوشيال ميديا طب حتي يكلمه الأول ايه علاقة الناس بعلاقة شخصية بين اتنين ممكن تتحل في التليفون أو في زيارة رحيمة ما بينهم وياريتها مشكلة أصلا.. ربنا جعل ما بينا مودة ورحمة عشان كدا للأسف انتي عرفتي إن في ناس في طبيعتهم حب خراب البيوت ومش هنخلص منهم بس انتي اللي هتهلصي من فكرة إنك تسمعيهم، ياريتك تركزي مع طاقة الناس اللي دعولنا ودعوا لولادنا وفغلا أنا بشكر كل الناس والفنانين اللس سعوا في الخير لينا.. متهورة بس بحبك».
وردت بسمة بوسيل على رسالة تامر حسني والتي عبر من خلالها عن عدم غضبه من كلامها ومن الكشف عن مشاكلهما عبر السوشيال ميديا، وكتبت من خلال حسابها على إنستجرام: "اتهورت عشان بحبك".