سجل عمر علاء مبارك حفيد الرئيس الراحل حسني مبارك، الخميس، كلمات مؤثرة عن وفاة جده وذلك عبر حسابه على فيسبوك. وقال عمر مبارك، في تعليق على صفحته الرسمية، قائلا: ◄مصر كلها تمطر يوم وفاتك كإن سماءها بتعيط عليك ◄والجامعات والمدارس كلها أجازة كإنها أعلنت الحداد عليك ◄وتموت في أول يوم من أيام رجب كإن ربنا بيفيض من فضله و كرمه عليك ◄ ووفاتك بعد أسبوع واحد من براءة أولادك اللي كانوا بيبروك و بيعطفوا عليك ◄ وتموت موتة كريمة على سريرك لا مسجون ولا مقتول ولا معتدى عليك ◄ وربنا يطول في عمرك لحد ما تشوف بلدك قوية وعفية وكل أعداءك في السجون اللي تآمروا عليك ◄ وفجأة ملايين المصريين يحزنوا و يِرثوك و يدعولك بالخير و يترحموا عليك ◄ ويتعملك حداد رسمي وجنازة عسكرية وكبار القادة والوفود يصلوا عليك