السيسي: «لا هننسى ولا هنتخلى عن أبناء وبنات شهداء مصر»

وجه الرئيس عبدالفتاح السيسي، كلمة إلى أبناء وأسر الشهداء، خلال مشاركته أبناء وأسر الشهداء للاحتفال بعيد الفطر المبارك، حيث وجه لهم التهنئة بمناسبة عيد الفطر المبارك.
وأضاف السيسي، خلال الاحتفالية التي نظمت بمركز المنارة للمؤتمرات، منذ قليل، "أشكركم أنكم موجودين معانا النهاردة، وأشكركم على شهدائنا ومصابينا من الأسر الموجودة، وكل أب وأم وزوجة بنشكركم مش باسمي بس لكن باسم كل مصري".
وتابع الرئيس: "مش عايز أقول كلام صعب لكن عايز أقول الشهداء قدموا حياتهم بجانب والمصابين عشان إحنا نعيش.. إحنا مصر، وأوعوا تفتكروا أن الثمن ده بسيط لا والله لما يبقى في 100 مليون في أمان وسلام لأجل خاطر أبناء وأزواج، يقدموا أرواحهم ده أمر ربنا وحده اللي يكافئ عليه".
وتابع: "أننا نبقى موجودين في العيد ده رسالة لينا كلنا وللشعب المصري كله ولكل مواطن يعرف أن في اليوم ده لا يمكن أبدًا لا هننسى ولا هنتخلى، وده مش كلام عشان إحنا مع بعض، إحنا لا هننسى ولا هنتخلى عن أبناء وبنات شهداء مصر أبدا ولا مصابيهم وستجدونا دائمًا موجودين والدولة موجودة".
واختتم السيسي كلمته، قائلا: "أنا منتظر هذا الللقاء معكم وسعيد جدًا وأتمنى ان أكون أدخلت جزءًا من البهجة والسعادة على أولادي الصغيرين أو أحفادي، وأهلا وسهلا بيكم وكل سنة وأنتم طيبين وعيد سعيد ودائمًا في تقدم".