صورة| ميرهان حسين في المستشفى

نشرت الفنانة ميرهان حسين، صورة جديدة لها - عبر حسابها على موقع "انستجرام" - وهي بداخل مستشفى وبيدها حقنة.
وعلقت "حسين" على الصورة، مدونة: "الصور أو الفيديوهات اللي فيها مظاهر سعادة مش معناها إن الحياة كلها ضحك و فرح.. ومش معنى إن السوشيال ميديا وسيلة تواصل بين الناس إن إللى بيتعرض فيها هو كل جوانب حياة أي حد".
وتابعت: "ده جزء بسيط منها وأنا شخصيا كنت بختار أعرض جوانب إيجابية من حياتي ولقطات فرح ما هي إلا مجرد جزء من أيامي، زي أي إنسان بيعدي عليه وقت حلو ووقت وحش ..فرح و حزن و مشاكل .. مرض و يأس و نجاح.. محدش مبسوط علطول ولا حد حزين علطول".
وأنهت رسالتها، قائلة: "الناس اللي بتشوف الأمور بسطحية بقول كلنا بشر بنعيش بمشاكلنا و بنتعايش وساعات كتير الضحكة بتخبي دمعة و المظاهر خداعة".
وكان آخر ظهور للفنانة ميرهان حسين، خلال حضورها حفل سبوع نجل الإعلامية ريهام سعيد منذ يومين.