ياعم ببلاوي

بسم الله

اعجبتني رسالة الشاعر عاطف عبد الحافظ تعليقا علي مقالة الامس‮ (‬مظاهرات الإخوان‮ ) ‬يقول فيها‮ : ‬الكاتب الكبير‮..... ‬قرأت ما كتبتموه في عمودكم اليومي‮ " ‬بسم الله‮ ".. ‬وقد شدتني كلماتك التي وصفت بها هؤلاء الخونة الذين‮ ‬يريدون تركيع مصر‮ - ‬التي لن تركع أبدا بإذن الله تعالي‮ - ‬وأتفق معك تماما أن حكومة الدكتور الببلاوي مسئولة مسئولية مباشرة عن تردي الأوضاع في الشارع المصري لافتقادها عنصري الحسم والحزم‮ ‬اللازمين لإدارة البلاد في هذه المرحلة الخطيرة‮ ‬التي تتطلب حكومة حرب‮ ‬بسلاح القانون‮. ‬ولعلي أشاركك الاستياء والغضب من حكومة الببلاوي‮ ‬بهذه القصيدة التي كتبتها في وصف حال هذه الحكومة المرتعشة‮ . ‬
الخلاصة‮.. ‬يا عم ببلاوي‮ ‬بالعامية المصرية‮ ‬نفسي أسأل سؤال‮ ‬يا بيه‮ ‬
هي ليه الحكومة‮.. ‬
مش واضحة وصريحة‮ ‬
ومش عايزه تقول الحقيقة
خايفة من إيه‮.. ‬
بتعمل حاجة أبيحة
وخايفة م الفضيحة‮ ‬
لا‮ ‬مؤاخذة‮ ‬يعني‮ ‬يابيه‮ ‬
‮‬
الببلاوي‮.. ‬ريّسها
دايما سارح مهموم
لا‮.. ‬عارفين مشغول بإيه ولا‮.. ‬إيه سبب الهموم‮ ‬
ولمّا حنّ‮ ‬علينا وإتكلم‮ ‬
لقينا كلامه مش مفهوم‮ ‬
مرة شمال‮.. ‬ومرة‮ ‬يمين‮ ‬
وبقينا مش عارفين‮ ‬
الببلاوي أصلا‮.. ‬مع مين‮ ‬
‮‬
النايب بتاعه زياد‮ ‬
بصراحة زودها حبتين‮ ‬
مرة‮ ‬يقول‮.. ‬مصالحة‮ ‬
ومرة‮ ‬يعلن مبادرة‮ ‬
إنت‮ ‬ياعم بتاع اقتصاد
ولا‮.. ‬جاي توفق بين راسين‮ ‬
إنت جاي عشان الرغيف
عشان الفقير‮ ‬يعرف‮ ‬يعيش
هو دا اللي فيه تفكر
وبلاش‮.. ‬علينا تتمنظر
‮‬
ووزير الجامعات حكايته حكاية
راجل ثورجي م البداية‮ ‬
وقف مع الشباب في الميدان
زعيم بيحلمو بزعامته‮ ‬
ولمّا دخل وزارته‮ ‬
دفن أحلامهم في المغارة‮ ‬
أصله فاكرها شطارة‮ ‬
كلامه كله خبيث‮ ‬
وسكوته كمان خبيث‮ ‬
‮‬
الحكومة تاهت في الطريق‮ ‬
مش‮ ‬فاهمة حاجة في الخريطة‮ ‬
ولمّا طلعت علينا بقانون‮ ‬
خلّا‮ ‬الشوارع حريقة‮ ‬
الحكومة جابت آخرها‮ ‬
وإنكسرت مناخيرها‮ ‬
الخلاصة‮.. ‬يا عم ببلاوي‮ ‬
إحنا جبناك عشان تداوي زادت علينا البلاوي
دعاء‮ :‬
‮«‬رَبّنَا اِغْفِرْ‮ ‬لِي‮ ‬وَلِوَالِدَيَّ‮ ‬وَلِلْمُؤْمِنِينَ‮ ‬يَوْم‮ ‬يَقُوم‮ ‬الْحِسَاب‮». ‬