سلام يا نجم

معاك ربنا
يا بذييء جريىء كيفتنا
بالأمر دى أخر الرواية
أخر الحكاية ..
أخر الحياة ..
و ألف رحمة و نور ،
.. تنزل عليك يا عمنا
وقفتنا ف وش الطغاه ،
و ف طلب الحق كنت فاجر
من قلب أحقر السجون ،
حمستنا ..
يا تملى صوت المقهورين ،
و يللى إنت للغلابة شاعر
.. مات الكلام
بس أوعدك ..
إن اللى قولته كان كفاية
و كل حرف ف دمنا
و إنك حقيقة ..
أنا برضه فاكر ..
إن إنك كتبت جملتين ،
مرة ف قصيدة ..
" لعبه الموت ف الحياة
تسحب الروح م الحناجر "
سلام يا نجم ..
زود فُراقك همنا ،
دون إعتراض ..
يكمنه أمر ربنا
سلام يا نجم ..
و ع الحبة دول شرفتنا