قاضي الحشيش في التحقيقات: أيوه باخد ترامادول

حصلت الأهرام المسائي علي نص التحقيقات مع المستشار طارق محمد زكي35 سنة, رئيس محكمة سابق من الفئة ب بمحكمة ههيا الابتدائية بشمال الزقازيق. واعترف القاضي السابق خلال التحقيقات باستلام جوال الحشيش ولفافات من نفس المخدر من أحد الأشخاص يدعي أبو خالد بمنطقة أبو صوير بالإسماعيلية.
وقال: إنها خاصة بسائقه, كما اعترف القاضي بحيازة الحبوب المخدرة الترامادول والتامول بقصد العلاج من إصابته بالظهر كما اعترف باتصاله بأحد الضباط بسيناء لتسهيل مروره من نفق الشهيد أحمد حمدي, وأكد أن عملية تفتيش سيارته تمت بعد موافقته وأن سائقه إسلام مصطفي اعترف في البداية بأنه صاحب المضبوطات, وأن أحد الضباط طلب منه التراجع عن اعترافه وقال له: اسكت أنت هتودي نفسك في داهية.
وأكد المتهم وفقا لأقواله بالتحقيقات أنه تقدم باستقالته دون أي ضغوط, موضحا أن المتهمة يوستينا مجدي20 عاما طالبة صديقته وجارته, وأكد أنه أجري عملية في ظهره وقام بتركيب شريحة وردد: أيوه أنا باخذ ترامادول كل حين والآخر عند إحساسي بالألم الشديد, وتناولتها آخر مرة من يومين كما قال: إزاي يظهر عليا علامات شك وريبة وأنا كان معايا ضابط داخل قبلي ولما طلب تفتيش العربية أنا وافقت.
وأنكر علاقته بالموبايل الأسود الذي تم الاتصال منه بصاحب المخدرات وقال: أنا معايا ثلاثة تليفونات أما التليفون السامسونج الأسود الصغير ده بتاع إسلام, وعن ظروف تقابلهما مع المدعو أبوخالد قال: هو إحنا لما جينا نتحرك بالعربية علشان نسافر لرأس سدر طلب مني إسلام أن أقابل أبو خالد في الطريق علشان هياخذ منه حاجات هيوديها لأقاربه, وهو كان بيكلمه في التليفون, وإحنا في طريقنا ناحية أبو صوير وهناك قابلنا أبو خالد وكان راكب عربية تويوتا وساعتها إسلام نزل يتكلم معاه وركب العربية تاني وقال إحنا هنتحرك وراه عشان ناخد منه الحاجة بتاعتي.
وفي رده علي سؤال للمحقق عن تفاصيل الواقعة قال: كنت بتفرج علي شاليهات في رأس سدر, واتصلت بالضابط صديقي علشان كنت عايز أعدي من الكمين بسرعة عشان أقدر أروح بدري علشان خاطر ظروف والدي الصحية, وأنا مشيت وراه لغاية ما دخلنا عند الكمين فلقينا ضباط شرطة واقفين بيتكلموا مع الضابط صاحبي, نزلت عرفتهم بنفسي فقولتلهم خير.
قالوا نظرا للظروف الأمنية اللي بتمر بها البلد عايزين الكلب يلف حوالين العربية خوفا من المتفجرات والكلب قعد الناحية الشمال من العربية وطلبوا تفتيش الشنطة, قلت له عادي اتفضل, ففتح الشنطة وفتشها وبعد كده بيقولي معلش ياباشا نزل الناس اللي معاك هنفتش العربية من جوه, قلت له يا باشا المفروض يبقي فيه إذن نظرا للحصانة, رد عليا وقال: ياباشا نظرا للظروف الأمنية وفتح الباب الخلفي للسيارة لاقي جوال بتاع إسلام وبفتحه لالجوال وتفريغه شاهد قطعا من الحشيش فقام بتكملة تفتيش السيارة فوجد في تابلوه العربية سلاح صوت وذخيرة صوت.