ايه اللي صابك يا وطن رغم احتباس المفردات في وسط أنفاس الدروب والمشتهي في القصه حلم.. بدايته دايما.. كان تاريخ او حب يرويه الشعوب عفر عليه الذكريات ففضل يردد من سكات ملعونة كل الامنيات لو كان اساسها في يوم فتات وفتات عقول كلها الصدا وقلوب ما تعرف غير غبا ونفوس نحاس متلونه ما هي ساكنه اطراف الخيوط علشان ماتخسر يوم تفوت جوه انحناءات الزمن ايه اللي صابك ياوطن ليه الولاد رافضه الوجود خارج حدود الشرنقه رافضه لضوء.. شمس الصبا وعبير ازاهير الربا رافضه لصوت الحق ليه؟ اللي انتفض جو الوريد لحظة ميلاد صوت الضمير آه يا وطن هلكه الاسي هلكه نزيف طول الوجع اللي اتعزف صبح ومسا اللي اتعزف صبح ومسا