مطالبات ل "شرف" بالاستقالة والعودة إلى ميدان التحرير

فى محاولة منه للتواصل مع متابعيه عبر الدكتور عصام شرف رئيس الوزراء عن أسفه لما حدث فى ميدان التحرير الثلاثاء 28 يونيه عبر رسالتين وجههما عبر صفحته على موقع "فيسبوك" بالأمس، مؤكدا أنه يتابع ما يحدث، وأن هناك شيئًا منظمًا لنشر الفوضي فى البلاد،.
وكتب فى الرسالة الأولى "أتابع عن كثب مع وزارة الداخلية الأحداث المؤسفة التي وقعت في ميدان التحرير مساء أمس، وهناك شيء منظم لنشر الفوضى فى البلاد، وسنتعامل بحزم مع المتسببين في تلك الأحداث. لهذا أدعو شباب ثورة 25 يناير أن يحافظوا علي ثورتهم العظيمة وعدم الانسياق وراء الشائعات المغرضة".
وأكد فى رسالته الثانية على محاسبة المسئول وأن الشرطة كانت تقوم بحماية الممتلكات العامة "ستظهر التحقيقات من هو المسئول عما حدث أمس وسيتم معاقبته، وكنا نتمنى أن تمر الامور كما كانت تسير مؤخرا حيث بدأ الأمن يعود بقوة وينتشر.. وأؤكد لكم أن الشرطة كانت تقوم بحماية الممتلكات العامة بالأمس وأنها لم ولن تستخدم العنف إلا اذا ما كان هناك عنف فى المقابل".
وقد تباينت ردود الفعل على هاتين الرسالتين فمع وجود تعليقات أيدت شرف وطالبته بتطهير كافة مؤسسات الدولة وخاصة وزارة الداخلية احتلت التعليقات السلبية تجاه أداء شرف وحكومته النسبة الغالبة .. طالبه كثيرون بالاستقالة والعودة للميدان مرة أخرى مذكرينه بخطابه الذى ألقاه فى الميدان عندما حمل على الأعناق معبرين عن استيائهم لاستخدام العنف من قبل الشرطة مع المتظاهرين وعدم قدرتها على القبض على البلطجية.
بينما شكك البعض فى الصلاحيات المخولة له وقدرته على حسم الأمور وكل القضايا المعلقة لصالح حكومته ولصالح مطالب الثورة مطالبينه باتخاذ قرارات حاسمة وتنفيذها للحفاظ على حق الشهداء ومستنكرين تسمية أهالى الشهداء والثوار بالبلطجية وعلقت دينا "لا يا دكتور خلاص مبقناش ناكل من الكلام ده عايزنا نهدى هاتولنا حقنا وتسقط حكومة شرف" واتفق معها أحمد مستنكرا ماجاء فى رسالة شرف الأولى " لا يا دكتور عصام دي مش فوضى دي حقوق أهالي الشهداء اللي مش عارفين ياخدوا حقهم ويادكتور عصام (العدالة البطيئة ظلم) يا دكتور عصام لا تنسى انك جئت من قلب الميدان إن كانت هناك ضغوط بأى شكل من أى شخص فأخبر الشعب وقدم استقالتك لأن ما يحدث هو اشبه بثورة مضادة من الحكومة نفسها ضد الثورة "وعاتبه عمرو " فين كلامك يا دكتور لو حصل حاجة الميدان موجود ؟ انت فشلت مع الأسف " وقال أكرم "أنا من الناس اللى رفعوك على الأكتاف فى الميدان و أنا برضه اللى بقولك دلوقتى ارحل ".
وطالبه عمر بالحزم منتقدا ما اعتبره ضعفا للحكومة " شوية حزم يا دكتور مش ممكن كدة الحكومة ضعيفة جدا ورؤوس الداخلية لسة فى مكانهم" بينما نصحه شريف بالنزول بنفسه للميدان للتأكد مما يحدث "لا يا دكتور دي مش شائعات اتعب نفسك شوية وانزل حقق بنفسك في الميدان و بص في وشوش الشباب هناك واسأل نفسك هما دول الي شلوك علي اكتفهم و لا دول حد تاني " وقالت سالى "شرف استقيل وانزل التحرير عشان يظل احترامى ليك لأن رصيدك ابتدى ينفذ" وأعرب مصرى عن ضيقه مما يحدث " بصراحه إنت كلامك مستفز وعيب عليك تقول كده .. إنت شايف مفيش عدل والمحاكمات هزليه وأهالي الشهدا بيتهددوا ويتعرض عليهم رشاوي مقابل دم أولادهم والشرطه بتعذب وتقتل ناس يوميا والمصابين واقفين قدام المستشفيات يتسولوا العلاج عييييب".
و أضاف سيد " س س سيتم وسيظهر و سيحاسب وسوف ..... لقد تشبع الناس من حرف التسويف يا سيادة رئيس مجلس الوزراء ... اما ان تفعل او لا تفعل" وقال تامر " يا دكتور عصام يا محترم انا بس عاوز حضرتك تفتح الدش وتشوف الاعتصامات فى اليونان تجاة الحكومة وازاى الامن بيحاوط الاعتصامات دى ويحميها رغم الشغب اللى بيحصل هناك وازاى انهم ما بيقوموش بالهجوم على حد ولا يقوموا اكتر بدور المدافعين . لو شوفت حضرتك كمية القانبل اللى اترمت امبارح تعرف ازاى ويعنى اية احنا لازم نعمل ثورة بجد اما اننا نرمى المصايب على ناس تانية كدة مش صح كدة نبقى بنحط راسنا فى التراب"
وتساءل محمد " ليه المحاكمات العسكريه للمدنين شغاله ؟ ليه يحيى الجمل موجود ؟ ليه مفيش هيئه مدنية تشرف على الشرطة ؟ ليه متحاكمش أحمد شفيق أو أي واحد من الجيش ؟ ليه المحافظين لواءات وروأساء جامعات مرضي عنهم من أمن الدولة ؟ عاوزين دولة مدنية منشوفش أي واحد عسكري في أي مصلحه مدنية بعد خروجه من الخدمة !! لو المجلس العسكري مش واضح استقيل ومتحرجش نفسك " وانتقدته أمانى معلقة " تقدر تقولي يادكتور عصام احساسك ايه وانت مش عاوز 7 وزراء والمجلس العسكري رفض تغييرهم تقدر تقولي احساسك ايه والناس بتتضرب في ميدان التحرير إلي انت كنت منه تقدر تقولي يادكتوراحساسك ايه وانت مش قادر تعمل لينا حاجة ومعلش نفسي اعرف احساسك وانت بتضحك علينا وتقول زي ماقالوا زمان دي قلة مندسة وتنظيم لزعزعة امن مصر وضياع الثورة".