هسيب الرانى وأمشى في طريق الحرام.. وأشرب عصير قصب.."الشعب يريد الخوخه اللى منزلتش"

"يا جماعة هانفضل لحد إمتى عندنا سلبية ومش بنتكلم فى مظاهرات يوم الجمعة اللى جايه عشان توسيع فتحه الرانى، لازم كلنا نبقى إيد واحدة ونرفع شعار: يا توسعولنا الفتحة يا تغيروا العبوة مش هانسيب الفاكهة هانجيبها من جوة"
هكذا طالب مواطن فيسبوكي تحت صفحة بعنوان "حملة توسيع فتحة الرانى علشان الفواكه مبتنزلش كلها" بضرورة عمل "مليونية زي المليونيات اللي عدت"، لتوسيع فتحة الراني.
لم يكن هذا المواطن هو الوحيد الذي يطالب بذلك، مؤمن عادل وصل لمرحلة إنه مش قادر يستمر بدون توسيع الفتحة فيقول "متبقاش أناني ووسّع فتحة الراني.. ده أنا نفسي اسمعها بوداني.. الفواكه على لساني".
وعلى طريقة "من أنتم؟!" وجّه سمير سلامة "سؤال لولبي" على حد تعبيره: مين أكتر واحد بيشرب عصير رانى "فردت العضوة Rosa Rose بمنتهى العفوية: " أكيد ابو راني شخصيا ...هوه ليه مين اغلى من ضناه؟!!"
مشكلة راني اتخذت منحنى شديد الجدية مع طلعت الذي قال بلهجة حاسمة "إحنا بقالنا شهر والفتحة ماوسعتش، لا بقى.. لازم راني يعرف إننا هنصعّد وهنعمل إضراب ضده.. يا تصغروا الفاكهة.. يا توسّعوا الفتحة.. كل مرة عكننة ف أخر الكان ...لا رجوع.. إلى الأمام".
أما ahmed kamel فقد نقل لأعضاء الجروب هذا الخبر العاجل: أنباء عن تورط أحد المسئولين من فلول النظام السابق في تضييق فتحة الرانى حيث إنه قد تعاقد مع الشركة المسئولة عن تحديد حجم الفتحة بالأمر المباشر دون دراسة باقى العروض المقدمة فى ذلك الحين مما أدى إلى الإضرار بسمعة رانى.
كل التعليقات سالفة الذكر كوم وتعليق amr ismael كوم أخر حيث أنه "قلب ريحة البيج" عندما قال"عايزين رانى بالكاكا".
التصعيد ضد راني وصل إلى حد أن هددت فيروز ببيع نفسها وأن "تمشي في طريق الحرام" قائلة:"مش هتوسّعوها؟ قولوا بس؟ ورابونا هسيب الرانى وامشى في طريق الحرام.. وأشرب عصير قصب.. أه أنا بقولكوا أهو".
أما hany tifa فقد غنّى خارج السرب تماما ولم يعبأ بمناشدات الأعضاء لراني بتوسيع فتحته وقال:"محششين قعدين واحد نط وقال : كبسه في صوت بوليس انتو سمعين ؟.. قالو : سمعين .. تمنين .. تسعين .. راح مصرخ وقال : اعملو حاجه دول زنؤونا فقالو : زنؤنا .. زناتانيه .. زناتالته........خدتهم الشرطه وقال للشلة: أوعى حد فيكم يجيب سيرتي قالو : سيرتي .. فورتي .. فيفتي.
وعلى صفحة "يا حلو بانت فاكهتك لما وسّعنا فتحتك" و نظرا "لعدم الاستجابة لتوسيع الفتحة.. هدّد الاعضاء بالتصعيد نظرا لاستمرار "حرقة دمنا" من خلال استخدام "وابور لحام" ..ونسيّح "أم" العلبة بالحتة المتبقية عشان تبقى "عبرة" لاخواتها فى العلب التانية فتنزل على طوووول".
وهكذا اقترح خالد للتغلب على المشكلة "علشان نخلص بقى من المشكلة دي إنهم يعملو فتحة من تحت عشان الفاكهة اللي ما تطلعش من الفتحة اللي فوق نفاجئها من الفتحه اللي تحت.
أعضاء هذه الصفحة لجأوا حتى إلى قصص الحب عساها تحنن من قلب راني فيقول توفيق " في رواية تاريخية أن إحدى علب العصير تقابلت مع علبة الراني في إحدى السوبر ماركتات العربية فرأت مدى الظلم الذي لحق بعلبة عصير الراني وقالت في أغنيتها الشهيرة: ياربي يا ربنا ................تكبروتوسع زينا".
زهيرة اضطرت هي الأخرى إلى استخدام لهجة التهديد : "هتوسعوا الفاتحة و لا هضرب فيروووووووز و خلاص كفاية وجع قلب".
بينما ضمير mostafa awad استيقظ في اللحظات الأخير وانشق عنهم جميعا قائلا:
"احنا أسفين يا راني"