رجب بكار يشعل أزمة فى بيراميدز.. ويساند مهدي سليمان

أعلن رجب بكار الظهير الأيمن لنادي بيراميدز المعار لصفوف نادي سيراميكا، مساندته لحارس المرمى بصفوف بيراميدز، المهدي سليمان في أزمته مع ناديه التي أعلن عنها مؤخراً.
ونشر «بكار» عبر حسابه الشخصي على موقع التواصل الاجتماعي «فيسبوك»: «مش من العادة إني اتكلم في حاجه ما تخصنيش، لكن هنا لازم أقول كلمة حق لآني مريت بالي بيعيشوا واحد من أحسن الحراس في مصر وهو المهدي سليمان».
وتابع رجب بكار: «هنا أقول للمدير الفني أنك كذاب وبتأخد أوامر مش تعليمات عشان خايف على أكل عيشك زي اللي قبلك في وجود هذه الإدارة واللي اتصدمت في أشخاص ليها باع وتاريخ في مصر ولكن للأسف بردو بتاخد تعليمات.. الأهم والمهم مهدي سليمان عنده حق في كل اللي قالوا وده مش دفاع والله عنه ولا اصطياد مني أنا ليا وقت وهقول كل اللي حصل لأني مينفعش منظومة بالحجم ده تُدار بالسوء ده».
واختتم رجب لاعب بيراميدز المُعار لصفوف سيراميكا: «وللعلم الأغلب في الفرقة لعيبة كبيرة وعارفة الدنيا ماشية إزاي بس للأسف الملاك في النادي مش فاهين ولا حد مننا عارف يتواصل معاهم عشان الكل يطلع اللي عنده لأني في كبت عند ناس كتيرة موجوده في المنظومة دي؟.. وعمرو مرعي عنده أكتر مني بكتير وناس كتير تنصحني وتقولي لا وده أنا مقدرهم لخوفهم عليا ولكن كلمة الحق ومساندة صديق ليا أهم بكتير من أي حاجة عندي وربنا يعلم ما في القلوب».