«بحبكم جدًا وممكن تفتكروني بأفلام أسعدتكم».. رسالة مؤثرة ل«وحيد حامد» في آخر كلماته| فيديو

قال الراحل وحيد حامد في كلمته الأخيرة بمهرجان القاهرة السينمائي الأخير، أثناء تكريمه: "أنا بشكر حضراتكم جدًا، علشان أنتوا من عشاق السينما، اللي أنا حبيتها بقدر كبير جدًا من الإخلاص والتفاني، وأعتقد أن أنه ممكن تفتكروني بأفلام أسعدتكم بقدر ما، أنا بشكر كل الذين تعلمت منهم، هما كتير علشان المشوار طويل، وكان من الصعب جدًا، إن أنا أقف في مكاني ده لولا حبكم، ولولا دعمكم، ولولا حبكم للسينما".
ووجه الكاتب الكبير حامد في كلمته الشكر للراحل يوسف شريف رزق لله، قائلًا:" أنه كان صاحب فضل كبير جدًا"، وتابع قائلاً " أنا عشت في زمن جميل، زمن فيه صلاح منصور، وأمينة رزق، ومحمود مرسي، واشتغلت مع مخرجين كبار أفادوني وأتعلمت منهم مثل سمير سيف وعاطف الطيب، أنا لو عديت النجوم الكبار اللي أشتغلت معاهم، يسرا، نبيلة، نادية، منه، مني، انا الحمد لله عشت أجيال متعددة".
واختتم حامد كلمته قائلاً "لو أنا ذكرت كل الناس، مش هفتكر، أنا بحبكم جدًا وحبيت أيامي وأنا عايش في السينما الجميلة، وأتمني للكل التوفيق والنجاح، وتفضل مصر منورة بالفن والسينما الجميلة".

كلمة الراحل وحيد حامد في مهرجان القاهرة السينمائي