علق الإعلامي عمرو أديب، على أغنية "مقدرش على النسيان"، للهضبة عمرو دياب، التي تم طرحها اليوم الإثنين، قائلا: "الأغنية وعمرو دياب تريند على مستوى العالم، وعمرو دياب بقاله فترة في حالة توهج غير طبيعية منذ عامين". وأضاف أديب خلال برنامجه "الحكاية"، المذاع على قناة "إم بي سي مصر"، اليوم الإثنين: الناس كانت مستنية الأغنية النهاردة وفي مواقع باعت الوهم للناس، ونزلت صورة عمرو دياب عشان تعمل نسبة مشاهدة ودخول عليها كتير، وأي حد كان عايز يبيع أي حاجة كان بيحط صورة عمرو دياب. وتابع: الأغنية في ساعتين معدية نصف مليون، وأغانيه بتعدي، وبنهنيه لأن الألحان حلوة وشعرية وفيها شجن، أنا بحقد عليه صحته جامدة. وأردف أديب: عمرو دياب الوحيد اللي لو غنى 40 أغنية في الفرح الناس هتسمعه لأنهم حافظين أغانيه كلها عشان هو مصري كبير. عمرو أديب تعليقا على أغنية الهضبة