السيسي فى كلمته اليوم:اطمئنوا ودايما تكونوا عندكم أمل وثقة في الله سبحانه وتعالي أولا ثم في نفسكم,

أ ش أ
وقال الرئيس عبدالفتاح السيسي في كلمته "أوعوا تتصورا سقوط أولاد مصر ما يوجعناش وولادمصر سقطوا علشان تفضل مصر وأنا قولت مرة قبل كده ده وفي شهداء سقطوا قبل كده
وفي شهداء هيسقطوا تاني وثالث لأن دي قضية وحرب كبيرة, مصر بتخوض حرب وجود وده معناه إن احنا يا مصريين كلنا على قلب رجل واحد مانتلخبطش, المؤامرة كبيرة ضدنا أنا
ما بقلقش إلا من حاجة واحده بس خوفي عليكوا يا مصريين لكن أي حد تاني وأي تحدي
تاني وأي تهديد تاني لا يشغلني طول ما المصريين واقفين ومنتبهين ومش ناسيين إن الهدف
كان إسقاط الدولة ومش هاتسقط بفضل الله سبحانه وتعالى وبفضل المصريين الموجودين
وعارفين الكلام اللي انا بقوله مرة تانية كل التحديات الموجودة تهون وكل المشاكل
الموجودة تهون طالما الشعب المصري منتبه وصامد مع جيشه وشرطته وأجهزة الدولة
يد واحدة, هو حد هيخش بيننا وبين بعض ويلخبطنا ولا إيه ده الخطر الحقيقي علينا أن
احنا نشوف دايما التحدي وعنينا عليه واحنا ثابتين ومتحركين في اتجاه هدف واحد اعادة
الدولة المصرية إلى مكانتها ويزيد وده مش سهل ده عاوز صبر وفي معاناه وفي ألم
ودم كلنا هاندفعه علشان خاطر بلدنا دلوقتي وللأجيال القادمة".
وأضاف "محصلة العمل خلال الشهور الماضية ضخمة جدا حتى في مكافحة الإرهاب, بيسقط كل
يوم من الإرهابيين العشرات, احنا لا نقول بأن يكون هناك رد فعل سعيد بذلك ولكن على
الأقل مقدر لذلك.. في إرهاب يتم قتاله منذ شهور, وفي عشرات من القتلى على مدى
الأسابيع والشهور الماضية, مئات من الأرهابيين تم تصفيتهم".
وتابع "انتو عارفين سيناء كانت هتبقى عاملة ازاي, كانت هتبقى كتلة إرهاب وتطرف, لا
يستطيع أحد أن يتخلص منها, وأنا قولت إن المعركة في سيناء ممتدة لن تنتهي في أسبوع
أو اثنين أو شهر أو اثنين, من فضلكم احنا ثابتين وراسخين كلنا ومحدش أبدا هيقدر
يكسر لا إرادة المصريين ولا إرادة الجيش, ولا حد هيقدر يدخل بين الشعب المصري ووحدته
وبين قيادته ده الخطر الحقيقي".
وقال السيسي "النهاردة وامبارح أخذنا إجراءات, والاجراءات التي اتخذناها اليوم سوف
تبقى في إطار التطور الذي حدث سوف يجابهه تطور من عندنا.. والمنطقة الحدودية بيننا
وبين القطاع لابد هيبقى في إجراءات تتعمل لإنهاء هذه المشكلة من جذورها مشكلة
رفح والمنطقة الحدودية".
وأضاف "في إجراءات كثيرة سوف تتخذ في الفترة القادمة, بقول للمصرين اطمئنوا ودايما
تكونوا عندكم أمل وثقة في الله سبحانه وتعالي أولا ثم في نفسكم, وإن شاء الله لازم
الغد هيكون أفضل, لأني بقول دايما الهدف هو البناء والإصلاح وليس الهدم والقتل,
ولا يمكن ربنا سبحانه وتعالى هيدعم غير البناء والإصلاح وما ينفع الناس".
وتابع "مرة أخرى البقاء لله سبحانه وتعالى, وتعازي مش لأهالي الشهداء, ولكن لكل المصريين
لأنهم أبناء مصر وسقطوا من أجل أن تبقى مصر.. وستبقى أن شاء الله مصر.. تحيا