زغرودة حلوة رنت فى الفيس بوك

الله أكبر‏..‏ ملحة فى عينك ياللى ما تصلى ع النبى..‏ جروب‏ "أدب الأهرام الساخر‏" على الفيس بوك والذى يعد النسخة الإلكترونية من صفحة‏ "أدب ساخر‏"‏ بلغ عدد أعضاءه فى وقت قياسى‏ "وحتى كتابة هذه السطور‏" ألف وخمسمائة و‏14‏ عضواً فى عين العدو‏..‏ وبالتمام والكمال‏..‏ واللى بيحبنا ميضربش نار‏!‏ ..................................................‏
الصديق عادل خواجه هو أحدث المنضمين للجروب وعرف به من خلال مقال المحرر الأسبوع الماضي‏'‏ تمورة رئيسا للوزراء‏'‏ ويبدو أن الجروب أعجبه للغاية لدرجة أنه شكله كده هيجيب ترنج وشبشب وهيسكن في الجروب‏'‏ بس الأكل علينا‏'..‏ وطبعا أهلا وسهلا بيه مادامت الإقامة‏'‏ افتراضية‏'‏ في واقع‏'‏ افتراضي‏'‏ أما بالنسبة للأكل ما أوعدكش يا عادل‏!‏
‏...............................‏الصديق محمد عبدالعال كتب عن بائع الفول الرومانسي وهو يتغزل في الفول كما يتغزل مهند في نور بقوله‏:'‏ يا أطعم من اللحمة يا فول‏'‏ لكنه سريعا ما يظهر علي حقيقة المتوحشة ويحذر الجميع قائلا‏:‏ لو خلص الفول أنا مش مسئول‏!‏
‏.................................................‏
الصديقة ماجدة مزيد تقول في زجل رائع مكتوب باللهجة الصعيدي‏:‏
مش شرط يا وليدي تكون شاعر
وإن شالله تكون جورداتي
الشرط تكون جد الجول
واوعاك تبيع نفسك يوم
عشان كيلو كباب من عند الحاتي
‏..................................................‏
الصديق فاروق أفندي يضع عصارة خبراته العاطفية تحت تصرف كل شاب خد علي قفاه عبر هذا الزجل‏:‏
متجيش تلومني يا قيس
مانا ياما قلت لك
إوع اك تحب ليلي والحب يهملك
دا كل نسل حوا تحبه يهملك
ولو تقسي مرة عليه قوام يحن لك