شقيقة المجنى عليها: انت موتها حقيقي‏..‏ اطلب الإسعاف‏..‏ فقال‏:‏ ما خلاص

تواصل الأهرام نشر نص تحقيقات النيابة العامة مع الشهود في واقعة قيام مذيع التليفزيون ايهاب صلاح المتهم بقتل زوجته‏.‏ وقال الشهود في تحقيقات النيابة التي قام بها محمود عبود وكيل أول نيابة حوادث جنوب الجيزة باشراف المستشار حمادة الصاوي والمحامي العام الأول لنيابات جنوب الجيزة‏.‏ حيث أكدت الشاهدة الأولي نجاح كمال حسن‏38‏ سنة ربة منزل شقيقة المجني عليها‏,‏ إن شقيقتها ماجدة اتصلت بها هاتفيا للحضور من منزلها في الكيت كات للمبيت معها في الهرم بسبب غياب ايهاب زوجها عن المنزل منذ يومين‏,‏ وفي تمام الساعة الواحدة صباحا كانت نائمة مع شقيقتها وابنتها يارا‏9‏ سنوات وايقظتها بأن عمو ايهاب بره‏..‏ فاعتقدت انه علي شاشة التليفزيون‏,‏ ولكنها قالت لها انه جالس بالصالة‏,,‏ فارتدت ملابسها وخرجت سلمت عليه‏.‏ وخرجت شقيقتها ماجدة من الحجرة بالصالة وقالت له أنت كنت مع مين منذ يومين‏.‏ دخل هو حجرة النوم وهي كانت معاه وبعد‏5‏ دقائق لقيت أختي خارجة من الحجرة وايهاب وراءها وهو يضربها‏,‏ قلت له عيب كده‏,‏ وقال لي متخليهاش تخش عليه الحجرة‏,‏ علشان يجمع هدومه من الدولاب‏,‏ فراحت دخلت خلفه وقالت له بتعمل أيه فقال لها أنا بلم الهدوم بتاعتي‏,‏ فقالت له هو انت اشتريت الدولاب‏,‏ فتوجهت إلي الدولاب‏,‏ فبطل هو جمع الهدوم‏..‏ حيث كان كل مايطلع حاجة تقول شايفة يانجاح انا اللي جبت له الحاجات ديه‏,‏ وقالت له هات الشنطة علشان أعطر له الهدوم‏.‏
دخلت عليها علشان أفهم في ايه فراحت قالت لي ده هو راجع من عند واحدة‏......‏ تبادلا الشتائم وتوجه هو جنب الانتريه وأمسك بالمسدس وراح ماسك رأسها بيده لأنها أقصر منه علشان يضربها‏,‏ فرحت شاده يده وأبعدتها عن رأسها‏,‏ وكنت عايزه أخذ منه المسدس‏,‏ قال لي ده محدش بيديها لحد‏..‏ فقلت له أنا بترعش وأنت بتترعش أهدا‏,‏ وأنا هعمل لك كوب ينسون‏..‏ دخلت المطبخ علشان أعمل ينسون‏..‏ ولم أجد ينسون بالمطبخ‏,‏ وكانت ماجدة خرجت بره‏..‏ وأنا واقفة في المطبخ سمعت صوت ضرب نار‏,‏ فخرجت مهرولة الي الحجرة لقيت ماجدة واقعة علي الأرض‏..‏ وقالت إن زوج شقيقتها المتهم ايهاب كان يجلس بجوارها ويقول ضاع مستقبلي‏,‏ فقلت له أنت موتها هي دي علي المسدس حقيقي‏,‏ وقلت له اتصل بالاسعاف‏..‏ فقال مخلاص‏.‏
وأضافت انها نسيت تقول ان ساعة المشاجرة في بدايتها ايهاب اتصل بالنجدة فور المشاجرة للمرة الأولي‏..‏ وبعد اطلاق الرصاصة اتصل بالنجدة‏,‏ لكنها أتأخرت واتصل للمرة الثانية وأبلغهم بانهم تأخروا فقتل زوجته‏,‏ ثم اتصل بشغله وقال لهم انا قتلت مراتي‏,‏ ثم اتصل بواحد اسمه مجدي‏..‏ وعندما تحدث مع مجدي‏,‏ قال له مينفعش اختها موجودة معايا من الأول‏,‏ وبعد كده ايهاب بقال ليه انا ماشي علشان أعصابي تعبانة‏,‏ وأنا كنت عارفة ان البوليس جاي وكنت عايزة أخليه يقعد فراح مطلع محفظته واخرج منها ورقة ورماها علي الترابيزة وبعدها بنحو خمس دقائق حضر أخويا حمدي وأشرف زوجي لانني كنت اتصلت بهما فقال ايهاب لاخويا حمدي انا قتلتها‏,‏ فقال له حمدي يعني أعمل لك ايه المحكمة هتأخذ حقي منك‏..‏ فقال لاخويا إنه اتصل بالحكومة ياريتني كنت موت نفسي‏,‏ فقلت لاخويا خلي بالك لان الطبنجة لسه معاه واتصلت بباقي اخواتي‏.‏
س متي وأين حدث ذلك؟
ج الكلام ده حصل بالليل صباح يوم‏2010/7/19‏ حوالي الساعة الواحدة والنصف صباحا‏.‏
س ما سبب شجار المجني عليها مع المتهم؟
ج هي قالت ليه انهم متخانقين علشان يعرف واحدة عليها‏,‏ وخاصة انها دخلت عليه حجرة النوم وجدته يتحدث في التليفون ففكرت إنه بيكلم اللي بيعرفها‏.‏
س هل شاهدتي واقعة قتل المجني عليها؟
ج لا أنا كنت في المطبخ‏.‏
س وكيف تبين لك مقتلها انذاك؟
ج أنا سمعت صوت الرصاص
س هل شاهدتي المشاجرة؟
ج أنا كنت في المطبخ‏.‏