سفينة نوح

الليل كما الغربال أما النهار بيلم و العبرة ب اللي ابتدي قبل العدد ما يتم يا عبادة وسط الهرج. يا قلة جايبة الفرج
الثورة ركعة قضا
مفهاش إمام بيئم
يا معشر الثوار
الكل فيكوا إمام
يا جنرالات انزلوا
المعركة قدام
الثورة مفهاش رتب
غير رتبة العسكري
و لا حد غير العلم
راح ينضربله تمام
و ادي سفينة نوح
جوا الميدان طافيه
بتلم فيها يا مصر
من كل زوج الافات
يتلم فيها النوح
ع الضحك و الأفيه
يتلم فيها الصبر
علي رنة الهتافات
نتحامي وقت الهوا
م الموج ف بعضينا
تنشق..نلضم سوا
و نسده ب ايدينا
و مهما الطوفان يعلي
نطلع و نعلي معاه
سيبوا الطريق لله
العبره بالمينا
يا شعب مستناش
خد حقه بدراعة
يا وطن ما بيسعناش
و احنا اللي بنساعه
الدم لون واحد
مفهوش عبيد ولا سيد
و ان بعتوا دم شهيد....بكره حتتباعوا