قلبى على بلدى..أنفطر !

جف حبر القلم..تاهت الكلمات..تبعثرت بين السطور !!

يالا العجب..! تصدق يا عم أنت وهو وهى أننا كنا فى العشر الأواخر من رمضان ! دخلناها بالكسرة والحسرة..أهات ووجع ..ألالم بلا نهاية! أيه اللى بيحصل لنا يا عالم يا هو ..يا ناس يا جدعان..معقولة فجر العشر الأخير تطل علينا بطلقات غدر هنا وهناك.. متفجرات وأسلحة ثقيلة.. تتحرك تستخدم بكل بساطة..تقتل شوية نفوس متهمة أو بريئة..أمر مش مهم ! أصل تنفيذالأوامر..منها مفيش مفر ! أصله بيسمع ويطيع من غير تفكير..نفوس تموت..ولا يهم..تموت تغور تداس تروح فى داهية..نشوف دماءها هو ده الأهم ! علشان ده أمر ها يستمر ..! معقولة بالذمة ده كلام..هو مش فيه حرمة برضه لدماء ! يا ناس أنا قلبى على بلدى أنفطر..وده ولا همه الوطن ..وعاوزه دايما فى خطر ..بيقول على نفسه مجاهد وهو عن دينه جاهل..طيب اللى زى ده نعمل له أيه..نقوله مين علمك تهدم قواعد دينك ؟! ونسأله ببساطة..هو دين أهلك أيه ؟! يا عم أنت وهو..ويا ستى أنتى وهى..أنتم قبله عارفين معنى الخراب وقتل النفس أيه ؟! بالتأكيد لا عارفين..ولا حتى فاهمين..ومع هذا بيقولوا عليكم متعلمين ! طب يا متعلمين ..وأنتم يا متأسلمين يا بتوع الدين..هو مش برضه رسولنا الكريم قال للمسلمين : « المسلم من سلم المسلمين من لسانه ويده « ده كلام الحبيب المصطفى..طيب بقى أنتم تبقوا مين..هو أنتم يا جماعة مصدقينه وعلى نهجه تسيروا..ولا أنتم مصدقين غيروه !! غيره وخدك للهلاك..وعاوز لبلدك الخراب.. برضه لسه مصدقه..طيب مرة فكر..تدبر ..أنظر للخراب والدمار من حولك يمكن مرة تفهم هما عاوزين منك أيه ! عاوزين يهدوا دينك..بس يكون بأيدك..لو فكرت واستخدمت مرة عقلك لازم ها تعرف وتفهم أن الأرهاب مش جهاد..والقتل حرمات.. وحب الوطن فرض على أفديه بروحى وعنيى..وعلشان كده بنقولكم نزيف الدماء اللى واجع قلوبنا..ده رمز لصمودنا..ومش ها نسلم ولا ها نطاطى..صحيح احنا تعبنا و قلوبنا على بلدنا مصر الغالية انفطر.. بس فى ناس غيرنا للأسف منا قلوبها أنشف من حجر ..!!