حياتي

**الأوله آه والتانية آه والتالتة آهالأوله مصر, قالوا تونسي ونفونيوالتانية تونس, وفيها الأهل جحدونيوالتالتة باريس, وفي باريس جهلوني.
الأوله مصر, قالوا تونسي ونفوني جزاة الخيروالتانية تونس, وفيها الأهل جحدوني وحتي الغيروالتالتة باريس, وفي باريس جهلوني وانا موليير
**الأوله مصر, قالوا تونسي ونفوني جزاة الخير وإحسانيوالتانية تونس, وفيها الأهل جحدوني وحتي الغير ماصافانيوالتالتة باريس, وفي باريس جهلوني وانا موليير في زماني
**الأوله شربتني من فراقها كاس بمرارةوالتانية آه فرجتني ع الجمال ينداس ياخسارةوالتالتة ياناس ياريتني كان لي فيها ناس وأدارة
**الأوله أشتكيها للي أجري النيلوالتانية دمعي عليها غرق الباستيلوالتالتة لطشت فيها ممتثل وذليلالأوله آه والتانية آه والتالتة آه
جوز فهيمة
لما انعدم جوز فهيمة السيد الجزار
جابت لها الخاطبة بالقيمة جدع نجار
وشيخ بلد من معينيه وله دوار
وعسكري مراسلة, وتنقي بقي وتختار
قالت لها أمها يكفا بكا ونواح
وياما دختي وقاسيتي من اللي راح
إن كان قسم لك رجال, ياللا خدي الفلاح
الفلاحين قيمة وفلوسهم يا بنتي كتار
الخاطبة دي اللي سعت; في السعي ما خابت
والشغلة ما عوقت ساعتين ولا غابت
قامت تشحتف وراحت بالعجل جابت
شيخ البلد م اللوكانده دي اللي جنب البار
دخل قلع بلغته ويقول يا عوافي
وشلح العري يخطر عالبساط حافي
حس القدم بالبساط ناعم كدا ودافي
قادت في جسمه وطلت من خدوده النار
قالت حماة القفا يسعد يا عمدة مساك
والمولي يجعل فهيمة من عضاك ونساك
يا هلترا راح تاخدها عالبلد وياك
ولا ليالي الوصال تبقي هنا في الدار
جال لما اجول لك وصلي عالنبي جبله
آخدها إذ إن هية بالبلد جابلة
واجيبها مصر اما تيجي مني انا حبلة
آخذها شبه; وترجع لنا جاموسة عشار
ردت فهيمة وقالت من ورا الدرفة
قولي له يا مه: دي رخرة قصدها الخلفة
في الشهر ليلتين إذا بات عندنا يكفا
ووقت ما يهفني أرحل له عالدوار
شيخ البلد قال: ونا جابل بدي المشروط
والمهر جبل الكلام عشرين جنيه محطوط
إعزنهم حج فسحة أو تمن زعبوط
ولا نجول جططنا خس السنة جنطار
راحت فهيمة علي العزبة معاها العفش
منفوشة في الجلبية والملاية نفش
قعدت سبوعين وعادت تاني ليه ما اعرفش
ما يعرف المسألة غير عالم الأسرار
رجع يقول للمرة: ازاي تغشينا
وتجولي إن العروسة بيضا وسمينة
ولما خشيت عليها الجاها سردينة
وناوية جال لسه تحطع لي كمان إنذار
راحت معاه المره في البيت لحماته
يا يقطعوا العرق ياتصالحه علي مراته
قالت فهيمة القضية ماشية وحياته
عند الأبوكاتو ونهاره حايبقي نهار
قالت حماته يا عمده مش عشمنا فيك
البنت من قبل ما تجيب الشوار وتجيك
اتلبشت والعيا ضحضحها ولم يوريك
خست وكانت ما تعرف في السرير تندار
ولما خست كده, ناديت لدايتها
استغربت والله يا ابني لما شافتها
وبات أترها الليلادي عند كوديتها
طلع لها لجل سمنتها ما ترجع زار
طلع لها جوز تيوس من غير إشارة سود
وعجل أبيض يكون تحت السما مولود
وست وزات وفرخة عرفها مفرود
وديك عشاري عريض الصدر والمنقار
قال العجول والتيوس دي عندنا والخير
ون كان علي الطير, دا ياما عندنا من طير
ون كات حاتسمن فنا الأولي بها من الغير
والا حدانا البلد, كلك بنات أبكار
إندق لك يا فهيمة زار وزار بصحيح
استعجبت له جميع الخلق دون ومليح
لكن يا خيبة الأمل راح في الهوا والريح
الهز والنفخ ما يخلي الدرة الا فشار
يا واخده الشيخ البلد, شيخ البلد شاري
بيعة علف مدهنه, والبيعة جزاري
إن كنتي متسبكة عالضيق اتداري
البردعة تلتقي يوم الجوازة حمار تغريبة
غلبت اقطع تذاكر
وشبعت يارب غربة
بين الشطوط والبواخر
ومن بلادنا لأوروبا
وقلت ع الشام أسافر
إياك ألاقيلي ترية
فيها أجاور معاوية
وأصبح حماية أمية
****
جاورت قاسيون وجيرته
توحش ولا فيهش حاجة
وعزرائين انتظرته
مجاش وجاني الخواجة
نافخ وسايق إمارته
وقاللي.. شوف السماجة
البر تحت انتدابنا
اخرج دي ماهيش وسية
****
رجعت للبحر تاني
مقهور وراجع فرنسا
في بقي طعم البوداني
فاكره وأنا عمري ما انسي
وإن رحت تونس كفاني
عذاب أنا والتوانسة
جاملان محضر مدافن
للأمة.. والأمة حية
****
في بورسعيد السفينة
رست تفرغ وتملا
والبياعين حوطونا
بكارت بوستال وعملة
لكن بوليس المدينة
متفوتش من جنبه نملة
يا بورسعيد والله حسرة
ولسه يا اسكندرية
****
هتف لي هاتف وقال لي
انزل ومن غير عزومة
انزل دي ساعة تجلي
فيها الشياطين في نومة
انزل ده ربك تمللي
فوقك وفوق الحكومة
نطيت في ستر المهيمن
للشط يا حكمدارية
****
وأقول لكم بالصراحة
اللي في زماننا قليلة
عشرين سنة في السياحة
باشوف مناظر جميلة
ما شفت يا قلبي راحة
في دي السنين الطويلة
إلا اما شفت البراقع
واللبدة والجلابية