انفراد.. لحظة هروب "مصطفى أبو تورتة" من حفل الخطوبة (فيديو)

حصلت "أهل مصر" على مقطع فيديو يُظهر لحظة هروب "مصطفى أبو تورتة" من قاعة حفل "الخطوبة"، والذي تصدر تريندات السوشيال ميديا بمختلف أنواعها، بعدما نشرت خطيبته السابقة "نهال شعبان" قصة خطيبها الذي تركها فجأة هو وأسرته فى قاعة الحفلات بمفردها دون إتمام الخِطبة زاعمًا أن خاله مريض، مصطحبًا "التورتة والشبكة".
اقرأ أيضًا.. "كسرني ووجعني".. أول حوار مع "نهال" خطيبة "مصطفى أبو تورتة": قالي محضرلك مفاجأة في القاعة وفوجئت به مش موجود.. ومصاريف الخطوبة كانت بالنص (فيديو)
وأظهر الفيديو خروج العريس "مصطفى" من القاعة برفقة إحدى معازيم حفل "الخطوبة" بعد وصلة رقص مع بعض أصدقائه على أنغام ال"دي جى" الشعبية.
فيما كشفت "نهال شعبان"، خطيبة الشاب مصطفى المعروف إعلاميًا باسم "مصطفى أبو تورتة" السابقة، في تصريحٍ خاص ل"أهل مصر"، أن فيديو حفل "الخطوبة" أظهر لحظة خروجه من القاعة برفقة إحدي قريباته، موضحة أنه حوالي الساعة الحادية عشر والنصف مساءً أثناء حفل الخِطبة سألته عن سبب تأخر عرض ارتداء الشبكة حيث تبقى نصف ساعة على انتهاء موعد الحفل وبعد ذلك بدقائق فوجئت به غير موجود بالقاعة ولا يوجد سوي هي والمعازيم من أهلها وأصدقائها فقط ومقاعد أهل العريس فارغة.
اقرأ أيضًا.. خطيبة مصطفى أبو تورتة: كان متعصب من أول اليوم.. وفوجئت بعدم وجود معازيم
وقالت نهال: "الساعة أصبحت 11 ونص فسألته هيعملوا الشبكة امتى علشان بيسألوني والقاعة آخرها الساعة 12 واحنا واصلين القاعة حوالي الساعة 9 وكل ده وأنا مش مستوعبة، وفي الآخر فوجئت به مش موجود في القاعة وأولاد خالي خارجين مسرعين من القاعة، فخرجت من القاعة لقيته بيصرخ ويقول خالي بيموت فأنا وأهلي مش فاهمين وبنحاول نهدّيه ونفهم اللي حصل فقلت له إهدي إيه اللي حصل راح ناطر إيدي ومزعقلي وقالي ما تمسكينيش، كان أخوه بجواري فسألته في ايه وبيعمل كده إزاي! وبعدها لقيته بيقولي يلا يلا، قلت له يلا فين وفين الدهب راح قايل بعدين بعدين، قلت له بعدين إيه هي الناس دي جايين يتفرجوا علي إيه وأنا هنا ليه! فقالي يعني مش عايزة تيجي معايا؟ فزوج والدتي قاله لا بنتنا عندنا واحنا هنروحها، وبعدها اختفى تمامًا من أمامنا ولا ندري أين ذهب".