وليد منصور: "تامر حسني الوحيد اللي حقق أرقام عبد الحليم حافظ وتخطاها"

كشف المنتج وليد منصور أن فيلم "البدلة" من أهم المحطات في حياته بمجال الإنتاج السينمائي والذي تخطت إيراداته ال150 مليون جنيه، وأن النجم تامر حسني، الفنان الوحيد الذي حقق أرقام مثل العندليب عبد الحليم حافظ، وتخطى النجم الراحل.
قرأ أيضا.. ما لحقش يحققه.. حكاية الحلم الذي دُفِن مع الفنان عزت أبو عوف في ترب الغفير
تامر حسني والعندليب
وكتب وليد منصور عبر حسابه الشخصي بموقع التواصل الاجتماعي فيسبوك: "من أهم المحطات اللي حصلت في حياتي في مجال الإنتاج السينمائي فيلم البدلة علشان بالفيلم ده قدرنا نوصل بفيلم مصري لرقم مصري عربي أول من نوعه لم يحدث من قبل علشان الفيلم يحقق أعلى إيراد في تاريخ السينما المصرية والعربية ويتخطى 150 مليون جنيه.. حاجه عظيمه لما اعرف ان تامر الفنان الوحيد اللي حقق ارقام العندليب الأسمر عبد الحليم حافظ وتخطاها".
وأضاف: "ربنا يكرمنا ونقدر نكسر الرقم ده أنا وتامر تاني وتالت مش علشان تامر نجم كبير بس عشان هو انسان طيب وبيحب صحابه بجد وبيحبلهم الخير وطبعاً بجد بيمتلك شعبيه رهيبه داخل مصر وخارجها ربنا يكرمك يا تامر انا صديقك آه بس طول عمري فخور بيك و من محبينك و مش هنسى وقفتك معايا و ربنا يباركلنا في قرفتنا الجميلة الحلوه مع بعض و بالتوفيق يارب في فيلمك القادم، معرفش حسيت عاوز أقول كده فا قولت".
وقدم "منصور" الشكر لباقي فريق عمل البدلة قائلاً: "احب اشكر كل من شارك استاذ ايمن بهجت قمر المؤلف الكبير وأستاذ مندو العدل المخرج والنجم حبيبي وصحبي اكرم حسني اللي تألق بشكل رهيب والنجم ماجد المصري والنجمه أمينه خليل والنجم محمود البزاوي والنجمة دلال عبد العزيز ومدير التصوير الشاطر احمد فهيم و مهندس الديكور المحترم رامي دراج وكل فرد شارك في هذا العمل بجد وأعضاء شركتي اللي تعبوا بجد".