مصطفى كامل يدافع عن مطربي المهرجانات: «مسمحش لحد يغلط فيهم»

دافع الفنان مصطفى كامل نقيب المهن الموسيقية عن مطربي المهرجانات، وكشف أيضا عن تفاصيل خلافة مع الناقد الفني طارق الشناوي بسبب هجوم الأخير على مصطفى قمر، وتحدث أيضا عن علاقته بالمطرب محمد فؤاد.
وقال مصطفى كامل خلال حلوله ضيفا على برنامج العرافة ل الإعلامية بسمة وهبة ويعرض على شاشة قناة المحور: اتمنى ما يكونش ليا علاقة بيه انا مش عارف هو عايز اي، ده واحد قاعد ماسك كوباية الشاي وعمال يشتم الناس ويهينهم.
وأضاف مصطفى كامل، : مسمحش لحد يغلط في حد أنا احتويته أو لحد في حمايتي حتى لو مطرب مهرجانات اللي أنا دفعت عنهم واتبنيتهم، لترد عليه بسمة وهبة حديثها، قائلة: أيوة ما انت قبضت منهم 80 مليون جنيه.
وعن علاقته بالفنان محمد فؤاد، قال مصطفى كامل: ده حبيبي وعشرة عمر ومفيش بيني سن والكلام ده احنا بنقابل بعض بيقولي يا ولا وبقوله ياض عادي، وإنه مكتبش اسمي على أغنية ليه من كتابتي زعلني شوية ولكن إحنا أسرة بنزعل وبعدها بنرجع نتصالح تاني وأنا نسيت الموضوع ده من زمان، وهو قالي أن نسيت معلش حقك عليا.
وتابع مصطفى كامل حديثه عن دافعه عن مصطفى قمر وهجومه على طارق الشناوي، فقال: انا مسمحش لحد أنه يغلط في زميل ليا، ومصطفى قمر ده عشرة عمري وكرسي النقابة ده اللي ملجمني وممكن اسيبه بكرة عادي، أنا أهم حاجة عندي أصدقائي وعلاقتي بيهم.