أحد جيران طالبة العريش: أسرة الفتاة تُطالب بتشريح جثمانها

علق الإعلامي عمرو أديب على واقعة طالبة العريش، مهاجما جامعة العريش قائلا: "تصرف غير تربوي وغير رحيم.. دي بنتكم.. طيب بعتوا حد يمشيي في جنازتها؟.. أشياء غريبة ممكن تحصل.. ماتت إزاي؟ وهل حد سمها أم انتحرت؟.. نقط كتير وعلامة استفهام على الموضوع".
وخلال تقديم برنامجه "الحكاية"، تابع أديب: "لو جامعة العريش اتشحت بالسواد بكرة ولا الهوا ده أنت تربوي.. وتكتبوا تقولوا محدش يعلق على حادثة الطب البيطري.. أهو أدي سمعة الجامعة لازم كنت تتصدى من الأوللمشكلة".
ومن جانبه كشف إيهاب ثروت أحد جيران نيرة الطالبة تفاصيل اللحظات الأخيرة في حياة الفتاة قبل وفاتها قائلا: "البنت كلمت والدتها وقالتلها أنا خارجة مع صاحبتي شروق وأصحابي تانيين وبعدها البنت وهي بتكلم والدتها فضلت ترجع وقفلت السكة".
وخلال مداخلة هاتفية ببرنامج "الحكاية" تابع ثروت: "في دكتورة كلمت والدة نيرة وقالتلها الحقي بنتك ولما راحوا كانت البنت توفت وقالوا هبوط حاد في الدورة الدموية.. وبعد دفن نيرة لقينا في محادثات متعلقة بجروب الدفعة بتنزل على السوشيال ميديا وبدأنا ناخد بالنا من تليفون شروق ونشوفه ولقينا المحادثات اللي فيها التهديد والتنمر ورسائل اعتذار من نيرة ل شروق".
وأكمل: "أسرة نيرة بتطالب بتشريح جثمانها ومعرفة سبب وفاتها الحقيقي خاصة بعد تعرضها للابتزاز والتهديد من أصحابها".