كوكا: إمام عاشور ليس رقم 1 في الأهلي

أكد أحمد نبيل كوكا لاعب النادي الأهلي، أن إمام عاشور ليس اللاعب رقم واحد في الأهلي، مؤكدًا أن قوة الفريق في المجموعة المتواجدة، وكذلك الجماهير.
وقال كوكا في تصريحات تلفزيونية:'أنا وإمام عاشور نتشارك في نفس الغرفة ونحب اللعب معا، وإمام تغير 180 درجة منذ انتقاله للأهلي وتعرفه على نظام النادي أصبح شخصية مختلفة تماما'.
وأضاف كوكا:'والدتي كانت دايما معايا في التمرين وانا في الناشئين وحتي في رمضان كنا بنخلص ونطلع نفطر في الشارع جنب أي عربية تمر، تعبوا معايا جدا علشان كدا ربنا حاططني سبب أن أسعدهم عشان تعبوا معايا ووفروا كل حاجة ليا، في فترة كنت زعلان إني قاعد دكة ومبلعبش والدي رفض إني أمشي، وقالي اصبر هتلعب'.
أحمد نبيل كوكا
كوكا: إمام عاشور ليس رقم 1 في الأهلي
وأكمل لاعب الأهلي:''عرفت إني هلعب ماتش اتحاد جدة في كأس العالم خلال المحاضرة الأخيرة، وكانت فرحتي كبيرة إني هلعب قدام مثلي الأعلي كانتي، وكنت مبسوط إني بلعب قدامه'
وأتم: 'الكابتن محمود الخطيب قدوة لنا، لما روحت أسلم عليه أول ما طلعت للفريق الأول لقيته قام من مكانه علشان يسلم عليا هو والاحترام ده اللي بنتعلمه من الأساطير دي، وبيوصلنا رسايل الجمهور وبييجي يتكلم معانا في التمرين لو حس إن فيه حاجه غلط، وكان حزين جدا لما خسرنا بطولتين في بدايه الموسم، واتكلم معانا إننا لازم نرجع للبطولات تاني'.