منى الشاذلي تتصدر التريند بعد تصريحاتها عن زوجها: "مكنتش بطيقه.. ولو مبتتحملش المسئولية متتجوزش"

تصدرت الإعلامية منى الشاذلي التريند من خلال محرك البحث العالمي على جوجل في الساعات الأولى من صباح اليوم، وذلك بعد حديثها عن تفاصيل قصة زواجها وحياتها المهنية.
وكشفت منى الشاذلي خلال لقائها مع الإعلامي أنس بوخش في برنامج ABtalks عن تفاصيل قصة زواجها وقالت: 'وأنا في إيطاليا وقعت في الحب، وفي الأول لا كنت بطيقه ولا هو كان طايقني، لحد ما بقينا عايزين نقعد لوحدنا، ومعظم العلاقات اللي بتبدأ بخناق بتعيش لمدة طويلة'.
تصريحات منى الشاذلي عن زوجها
وأوضحت منى الشاذلي عن الخلاف بينها وبين زوجها وقالت: متناقضين في كل حاجة وهو مش رومانسي ولكن رجل حنون لكنه راجل عملي، ومع بعض منذ 25 سنة وعمرنا ما زعلنا من الاختلاف بينا.
ووجهت الشاذلي نصيحة للشباب المقبلين على الزواج: الحياة الزوجية محتاجة مجهود كبير ولو مبتتحملش المسئولية متتجوزش، الولاد والبنات لازم يتربوا على تحمل المسئولية، والحب حاجة والحياة الزوجية حاجة، ولازم تربي أولادك على أنهم يشيلوا المسئولية ويتحملوا ضغوط الحياة، غير كدا هيبقى جوازعيال.
منى الشاذلي تكشف عن علاقتها بوالدها
تحدثت منى الشاذلي عن علاقتها بوالدتها وقالت: أنا بنت الطبقة المتوسطة المصرية، والداي كانوا من جيل الستينات العظيم، وعلمني والدي إن الجوهر أهم من المظهر.
قالت منى الشاذلي: أنا كنت طفلة وديعة وفي العموم أنا إنسانة وديعة وقوية ولكن قوتي داخلية، بشوف أقوى الناس هم الناس الهادية اللي قوتها داخلها، ومش بحب القوة اللي فيها صوت عالي وفرد عضلات، وحياتي كانت مع أسرة محبة وأم عطوفة جدًا.
وتابعت: لم اتربى منذ صغري على الدلال، عشان لما تيجي النعمة أفرح بها ولما تزول أقدر أتخطاها، وأحب أن أكون منتجة وليس مدللة، أنا محبة لكل محيطي، وغير كارهة لأي شيء سواء أكل أو شخص، ممكن أزعل من شخص واحذفه من حياتي، وكلمة كراهية صعبة عليا.