ريهام عبدالغفور: «سنة 2022 عاملة زي الغرفة 207 محدش خرج منها زي ما دخلها»

قالت الفنانة ريهام عبد الغفور، إنه قامت بتصوير 3 مسلسلات هذا العام وهم 'وش ضهر'، و'منعطف خطر'، و'الغرفة 207'، معقبة: 'الحمد لله ربنا كرمني السنة دي بزيادة'.
وأضافت 'عبدالغفار'، في مداخلة هاتفية ببرنامج 'خلاص صحينا'، تقديم مارينا المصري، المذاع عبر أثير موجات راديو 'ميجا اف ام'، اليوم الإثنين، إنه تم تصوير المسلسلات الثلاثة على فترات متباعدة، ولم تتخيل أن يحدث هذا النجاح والتفاعل الكبير من المشاهدين.
أسباب عرض 3 مسلسلات لريهام عبد الغفور في توقيت قصير
وأكملت: 'كنت قلقانة الأول وخايفة الناس تزهق لما تشوفني كتير، بس لما المسلسلات اتعرضت وراء بعض بأدوار مختلفة، عملوا رد فعل إيجابي جماهيريا ونقديا بشكل فاق توقعاتي'، متابعة: 'أنا طول الوقت بشتغل على نفسي إزاي اتغير وأقدم حاجة مختلفة، وكنت واثقة إن دوام الحال من المحال، يمكن لو كان جالى النجاح وأنا أصغر كنت اتعودت عليه وما حسش بقيمته زي دلوقتي، وفهمت ان ممكن يوم واحد يغير كل حاجة'.
ريهام عبدالغفور
وتابعت: 'سنة 2022 عاملة زي الغرفة 207 محدش هيخرج منها زي ما دخلها، وأنا خرجت منها بإنى اتعلمت إن مفيش حاجة دايمة، ومفيش ضمانات عشان كده بدعى دايما إن ربنا يغير حالنا للأحسن'.
وعن مسلسل 'بطلوع الروح'، عقبت، قائلة: 'عجبنى جدا جدا، وكنا محتاجين نشوف عالم داعش عن قرب، وأكتر موضوع شاغلنى ونفسي أسلط عليه الضوء هو إننا لازم يكون عندنا رحمة ببعض ونساعد بعض وما نقفش لبعض على الواحدة'.
وأردفت: 'من الشخصيات المهمة اللى خرجت بيها السنة دي هى إني اشتغلت مع مخرجين مهمين كلهم فادونى واتعلمت منهم لأن كل واحد فيهم ليه مدرسته الخاصة، وطلعت كمان بزمايل كتير استمتعت بالعمل معاهم'.