بعد هجومه على لبس المحجبات.. مواقف مثيرة للجدل اعتادها الإعلامي شريف مدكور

أثار الإعلامي شريف مدكور جدلا كبيرا بعدما شن هجوما على لبس المحجبات، واستنكر ارتداء بعضهن أزياء لا تناسب قناعتهن عن أن الحجاب فريضة، وتكون مجسمة لتفاصيل أجسادهن.
الإعلامي شريف مدكور
شريف مدكور يثير الجدل
وقال شريف مدكور من خلال بث مباشر له عبر صفحته الرسمية على موقع التواصل الاجتماعي'فيسبوك': عندي في البرنامج محدد إن أي واحدة محجبة تدخل عندي وتطلع تصور لازم تكون لابسة ما لا يصف ولا يشف، لأن أنا بعرض برنامج وشاشة وبورى صورة المصريين، وبقيت ألاحظ أن بيجييلي ضيوف محجبات لابسين طرحة مغطيين راسهم ولابسين بدي وهمَّ ممتلئات شوية، وكل جسمهم متفصَّل، وبنطلون ضيق جدًا وجزمة بكعب كبيرة وميكب كامل ورموش كبيرة'.
وأضاف شريف مدكور: 'كل واحد حر في لبسه، وعمري ما هاتدخل في شؤون حد، لكن بالنسبة ليا ده مش هيطلع على الشاشة، فحطيت قواعد إن أية سيدة محجبة تظهر عندي في البرنامج، لازم تكون لابسة فضفاض ومش ألوان صاخبة، ولو هتلبس بنطلون يكون واسع.وتابع الإعلامي: بعضهم بيستنكرون ده وبيقولوا لي إني باطلع ناس لابسين عريان، ردي أن هي مش محجبة'.
وتابع الإعلامي شريف مدكور:'لكن المحجبة هي اللي اختارت تكون محجبة وهي شايفة إن ده فرض وله شكل ما لا يصف ولا يشف، والمحجبة شايف أنها بتتنازل شوية عن جمالها وماتبقاش لافتة للنظر، فإزاي حضرتك بتتحجبي وشايفة إن ده فرض، والمفروض تكوني مش لافتة للنظر وأنتِ لابسة مجسم تمامًا'.
شريف مدكور
وأكمل مدكور حديثه قائلا: 'ساعات باشوف محجبات بييجوا لي في البرنامج لابسين حاجات مجسمة، مش بتلبسها اللي مش محجبة! وبدأ يحصل مشكلتات والضيوف تتخانق معانا ويزعلوا؛ لكن على الشاشة مش هطلع صور بلدي أو ديني، حد يقول إيه ده.. فيه بعض المذيعات والإعلاميات المحجبات بيطلعوا على الشاشة بيبقوا حاطين ميكب كتير أوي ورموش تقيلة كتيرة أوي، وهمَّ واجهة والناس بتقلدهم.. ونيتي الحفاظ على الشكل، ويا إما نتحجب ويكون فيه التزام ونستغنى عن بعض الحاجات عشان ربنا، وعشان الثواب؛ لكن هنتدلع في النص ما تقوليش إنه فرض، ساعتها قل لي إنه فضيلة، لأن الفرض يكون فيه التزام وما بيبقاش فيه شكل استفزازي'.
مواقف مثيرة للجدل للإعلامي شريف مدكور
وللإعلامي الشريف مدكور مواقف عديدة مثيرة للجدل منها قيامه بصنفرة قدمه على الهواء في برنامج سابق له وهو ساعة مع شريف، وقتها كان مستضيف خبيرة التجميل ، منى اليماني، وآثار هذا الأمر جدلا واسعا وتعرض لانتقادات عديدة.
كما أثار شريف مدكور جدلا حينما صرح مع الإعلامية رولا خرسا في برنامج الطيب والشرير، أنه تعرض للتحرش الجسدي ، كما أثار الجدل عندما قام بتقليد صوت الحمار في خلال لقائه ببرنامج محدش بياكلها بالساهل مع الإعلامية آلاء شاهين .