شريف مدكور يضع قواعد للبس المحجبات اللاتي يظهرن معه على الشاشة (شاهد)

وضع الإعلامي شريف مدكور قواعد عدة للبس السيدات اللاتي يظهرن معه في برنامجه على الهواء، قائلًا: "أي واحدة محجبة تدخل عندي وتطلع تصور لازم تكون لابسة ما لا يصف ولا يشف، لأن أنا بعرض برنامج وشاشة وبوري صورة المصريين".
اقرأ أيضًا.. فيديو.. شريف مدكور: إصابتي بالسرطان هدية حلوة من ربنا
وتابع "مدكور" خلال فيديو نشره على صفحته الرسمية على الفيسبوك: "بقيت ألاحظ أن بيجييلي ضيوف محجبات لابسين طرحة مغطيين راسهم، ولابسين بدي وهم ممتلئات شوية، وكل جسمهن متفصل، وبنطلون ضيق جدًا، وجزمة بكعب كبيرة وميكب كامل ورموش كبيرة".
وواصل الإعلامي حديثه، قائلًا: "كل واحد حر في لبسه، وعمري ما هاتدخل في شؤون حد، لكن بالنسبالي ده مش هيطلع على الشاشة، فحطيت قواعد إن أي سيدة محجبة تظهر عندي في البرنامج، لازم تكون لابسة فضفاض ومش ألوان صاخبة، ولو هتلبس بنطلون يكون واسع".
وأضاف: "ساعات بأشوف محجبات بييجوا لي في البرنامج لابسين حاجات مجسمة، مش بتلبسها اللي مش
محجبة!، وبدأ يحصل مشكلات والضيوف تتخانق معانا ويزعلوا، لكن على الشاشة مش هطلع صور بلدي أو ديني، حد يقول إيه ده".
واختتم حديثه، قائلًا: "في بعض المذيعات والإعلاميات المحجبات بيطلعوا على الشاشة بيبقوا حاطين ميكب كتير أوي، ورموش تقيلة كتيرة أوي، وهمَّ واجهة والناس بتقلدهم، ونيتي الحفاظ على الشكل، ويا إما نتحجب ويكون فيه التزام ونستغنى عن بعض الحاجات عشان ربنا، وعشان الثواب، لكن هنتدلع في النص ما تقوليش إنه فرض، ساعتها قل لي إنه فضيلة، لأن الفرض يكون فيه التزام وما بيبقاش فيه شكل استفزازي".
شريف مدكور: معرض تراثنا كان حلم وأنا فخور بمصر وإبداع أهلها