محاولة ابتسام

بنت الحلال
اللي ما حست بالحنين
ولا بالغرام
ولا بالانين
اللي بات ف الشتا
علي بابها قلبها
قولي لي بس يوصلك منين؟
حزني اللي دايما يتخفي ورا
محاولة الابتسام
الصورة كانت واضحه قوي
...
لدرجه انك عماله تتجاهلي
حزن النايات وانا باندهك
كل الحلال يبقي حرام
لما تغيبي يا شمسنا
نحتاج لدين نقابل بيه ربنا
استغفر الله العظيم
استني بس
متعديش البحر من غيري
وعيونك بتقول اسيري
وانا حره فيه
انا لسه جايلك ف الكلام
كل الكلام بين البينين
كل اللي قالوا لك بحبك
كدابين
لابسين وشي الحزين
وعشان تعرفي
حسيني بس
مش مطلوب غير ان روحك
وهي محصراني
قبل اعدامي تسالني نفسك ف إيه؟
عشان اقول انا حبيت بنت الحلال
اللي ماحست بالحنين
ولا بالغرام
ولا بالانين