تعرف علي أسباب عدم رضا " أمهات مصر" عن مستوي تعليم أبنائهم في المدارس .

أجري اتحاد أمهات مصر للنهوض بالتعليم برئاسة عبير أحمد، استطلاع رآي حول مدي رضا أولياء الأمور عن مستوي تعليم أبنائهم في مراحل التعليم ما قبل الجامعي .
وقالت عبير، في تصريحات صحفية، إن نتيجة الاستطلاع أسفرت عن عدم رضا أغلب أولياء الأمور عن مستوي تعليم أبنائهم، مبررين حالة عدم الرضا لعدة أسباب منها : أعتماد التعليم علي الحفظ والتلقين وتكدس الفصول بالطلاب والحشو في المناهج وعدم شرح أغلب المعلمين بطريقة جيدة داخل الفصول وغياب دور المدرسة مما أدي للإعتماد علي الدروس الخصوصية و وضع أعمال السنة في يد المعلم .
وأشارت عبير، إلي أن هناك عدد قليل من أولياء الأمور أبدوا رضاهم عن مستوي تعليم أبنائهم وذلك لأن أبنائهم ملتحقين بالمدارس اليابانية والخاصة والدولية، مؤكدين أن مستوي بعض مدراسهم جيدة للغاية .
وتفاعل عدد كبير من أولياء الأمور والمشاركة في أستطلاع الرأي علي صفحة اتحاد أمهات مصر للنهوض بالتعليم، في الفيس بوك، حيث قالت ولي أمر : " مش راضية علي حشو المناهج وعلي الكم مش متناسب مع وقت الترم و لا وقت الحصة، مش راضية علي بعض المدرسين اللي مش بيبذلوا مجهود لتوصيل المعلومة وما فيش متابعة ليهم من قبل الإدارة، مش راضية علي جشع وإسعار الدروس الخصوصية، مش راضية علي النظام القديم ولا النظام الجديد إلا لو تم معالجة السلبيات بتاعته اللي كلنا عارفينها" .
وأضافت ولي أمر أخري : " هو فين المدرس التربوي اللي بيخش ويشرح ويعلم، للأسف دوره معدوم وده أهم إسباب الفشل للاسف"، وتابعت أخري : " المناهج مش عقيمة ولا حاجه المناهج قوية وبتأسس كويس بس مفيش مدرس مؤهل علشان يوصل المعلومة للطالب، عيب المناهج أنها مش مناسبه للخطة الزمنية للعام الدراسي، لو ظبطناها ولقينا مدرسين عندهم ضمير الدنيا تظبط طبعا، في مدرسين كويسين بس قليلين جدا" .
وفي المقابل، قالت ولي أمر : " أنا أبني في المدرسة المصرية اليابانية،
هي نفس مناهج الخاص لغات والتجريبى لكن فيه فروق كتيرة بينهم، أولها : المدرسين اللي مختارينهم بعناية شديدة و منهم حاصلين على ماجيستير ودكتوراه ومنهم كانوا فى مدارس انترناشيونال، طريقة التعامل مع الطفل خلال اليوم الدراسى بطريقة تخليه يبقى عنده ثقه فى نفسه،
فى بداية اليوم فيه نشاط اسمه الريادة بيتم إختيار طفلين و بيتناقشوا مع زمايلهم عن خطة اليوم وإزاى هيطبقوها و فى آخر اليوم فيه مجلس الفصل بيناقشوا فيه الأهداف اللي حققوها وايه أوجه القصور وإزاى يعالجوها،
النظام والإنضباط والإلتزام بالمواعيد وإحترام الوقت، في وقت للطعام ووقت للتنظيف كل الاطفال بيشاركوا فيه عن طريق تقسيمهم مجموعات وكل مجموعه مسؤلة عن تنظيف جزء معين فى القاعه والعناية الشخصية بعد الوجبة زى غسيل الاسنان والأيدي، تطبيق المنهج الجديد بالطريقة المثلى عن طريق الأنشطه وبمشاركة اولياء الأمور" .
الحصول على Outlook for Android