فاتت سنين ومعاها القطر....... لاجانى شبكة ولا خدت مهر كل البنات اتجوزوا......وأنا وحدى راح أموت م القهر كان نفسى فى طفل يقول ماما....وارد عليه يا حبيب ماما لو يتعب أقول ألف سلامة....وأسهر جنبه لحاد الفجر أو بنوته بقى حبيبتى.....تكبر ويقولوا عليها أختى تتذوق وتقول ماما شوفتى....وأشوفها ساكنة فى فيلا وقصر ياما زمان جونى خطّاب.....ورفضتهم من غير أسباب مانا كنت حلوة قوى وشباب....بس الزمن ليه خدنى غدر ما بقيتش أحلم بفرح أو زيطة....ولا توب أبيض ولا زغروتة دا ظل راجل ولا ظل حيطة....أنا مش طالبة غير الستر