الجزء الثانى من رحلة هريدى رجل من جنوب الوادى فى القاهره يا بووووووى يا واد عمى أييييه ده كله ؟ كل دى ناس عايزه تشتغل . وفين يا واد عمى الشغل إللى هيكفى ده كله . وفكرك يا واد عمى إحنا هنلاجوا شغل بالطريجه دى ؟ هى دى شغلتك فى مصر يا واد عمى ؛ أمآل عيجولوا عليك ياما هنا وياما هناك . صح يا بووى الصيت ولا الغنى . إتطب علينا يا خوى فى الصعيد بخلجات عتشف ورتف مزهره ونضيفه ووشك عيلمع والدم عيفط منه فط . متجولش عمده من العمد . والناس تشوفك تجول وتعيد عليك كلام زين وحواديت كتيره . وأدينى شوفت بعينى ومحدش جالى . الجلبيه مرجعه ورجليك مشججه . وحالك ولا يسر عدو ولا حبيب . وعيجولوا كل الناس إهنهاتى عرفاك وأنى ولا شايف حد حتى جالك صباح الخير ولا حتى تف فى وشك ولا حد عبرك . كنت عتكدب علينا يا عتمان . زغللت عينى وخليتنى أبيت أحلم بمصر ونضافة مصر وفلوس مصر . وفى الآخر جايبنى نوجوفوا فى موجفق الشغيله نستنوا حد يجيى ويحن علينا . وإفرض مجدش جه عايز حد يشتغل . هنروحوا من غير شغل ؛ متصبر يا هريدى مالك من ساعة ما جومت من النوم وإنت مبطلتش حديت واصل معندكش صبر يا واد عمى . كل شىء بأوانه تجدر تخطى خطوه من غير أمر الله ؟ عيندك حج يا واد عمى متزعلش منى . بس زى متجول كده عايز أشتغل وأحوش فلوس كتير وأشتريلى هدمتين إنضاف على شال صوف وجزمه من إللى عتلمع ووأشترى صابون بريحه وجزازة عطر زى مانت كنت عتعمل لما عتيجى الصعيد . نفسى أمى تفرح يا واد عمى . متزعلش منى ربنا يخليك . خلاص مش زعلان يا واد عمى . سماح يعنى . وإيه ده يا واد عمى الناس إللى متلميه دى كلها على العربيه إللى هنكاتى دى ونازلين أكل تجولش عياكلوا فى آخر زادهم . عياكلوا أيه يا عتمان ؟ عياكلوا فول مدمس يا هريدى . وكل يوم فى الصبحيه هتشوف نفس المنظر . وهتشوفهم همه همه . عارف يا هريدى أكلة الفول دى فى الصبحيه مع بصلتين وجرصين طعميه وكام رغيف . أسكت يا واد عمى . إتجولشى صواريخ نار طالعه من ودانك ووشك يزنهر ويبك الدم بك . وتفضل طول النهار شبعان ومسدوده نفسك عن كل حاجه . حجاش تيجى العشيه يجروصنا الجوع وناكلوا . وكل الحكايه تلات جروش يكفوك النهار كله . عشان كده عتوفروا يا واد عمى ؟ أيوه يا هريدى أمال إللى هنشتغلوا بيهم نضيعوهم فى الوكل هى البطن عتشكر حد يا واد عمى كلت خروف زى ما تاكل طبج فول هى هى الكايه المهم إتسكت بطنك من التجريص وخلاص . عنك حج يا واد عمى . وأيه كل الزحمه دى على العربيات الكبيره دى ؟ ناس مشعلجه وناس جاعده على شبابيك العربيات إيه ده كله الناس دى عتروح فين يا واد عمى ؟ عتروح إشغالها يا هريدى إللى موظف فى شركه وعايز يلحج ميعاده جبل ما يتأخر وإللى شغال فى مصنع وعايز يلحج الورديه بتاعته . كده يعنى يا هريدى وهو إنت فاكر نفسك فى الصعيد تجوم من النوم تركب حمارتك وتروح الغيط وخلاص . لا يا هريدى هنا حاجه تانيه خالص . لا يا عتمان عندك حج يا واد عمى مصر دى حاجه تانيه خالص . يدوبك خلصنا كلام أنى وعتمان ووجفت جبالنا عربيه ملاكى وفيها وليه متجولش برنسيسه . هانم من إللى عيجولوا عليهم حريم البشاوات يعنى . وطلت علينا وشاورت بإديها وجالتلى إنت يا بلدينا عايزاك فى شغلانه . إتلفت يمين وشمال . جولت يمكن عتاشور على حد واجف ورايا ولا على عتمان واد عمى . وبعدين إلجيت عتمان عيزوج فيه ويجولى روح بسرعه عليها عايزاك يا هريدى . حظك فى رجليك يا واد عمى إلحج جبل ما الناس تتزحم علها . روح بسرعه يا هريدى مالك واجف متسمر زى الصنم كده ليه . روح يا هريدى بسرعه . حطيت خلاجاتى فى سنانى وطيرت عليها وجولتلها عايزانى أنى يا ست هانم أنى خدامك هريدى ولد الشيخ عبدالرحيم همام ولسه جاى من الصعيد طازه . بصت بعنيها وإتبسمت وجالتلى يعنى لسه بخيرك . أنى بلمت وعرفتش أجول حاجه واصل هزيت راسى . راحت جالتلى أركب . جولتلها كيف اركب وأجعد جارك إهنهاتى ؟ جالتلى أيوه أركب . إنت باين عليك نكته . فتحتلى الباب بأديها وركبت وجعدت جنبيها ويا بووووى على الريحه الحلوه إللى حطاها حاجه تخلى العجل يطير . وطارت بالعربيه إتجولشى طياره طايره فى الجو . صرخت وجولتلها أوجفى يا ست هانم إنسينا نركبوا عتمان واد عمى معانا . ضحكت ضحكه عاليه وجالتلى لا يا بلدينا أنا عايزاك لوحدك . مش عايزه إتنين يدوبك على أد الشغل . جولتلها وأنى هروح كيف أنى معرفش أرح وحدى وعتمان مش هيعرف مكان الشغل . جالتلى متخافش أنا هوصلك مكان ما جيبتك إطمن . وبعد شويه وصلنا البيت حداها . وجالتلى يالا أنزل خلاص وصلنا . بصيت حواليه مش ايف عماره فيها شغل ولا حاجه وجفت جدام قصر كبير . وحاجه كده إتمخول الراس والعجل حاجه حلوه جوى . سمينا بسم الله ومشينا طلع عتمان واد عمى جدامى وجالى تعالى ورايا طلعنا الشارع وفضلنا ماشين من شارع لشارع وهو معايا رجليا وجعتنى من من طول المشوار وأنى ماشى وراه زى الخيال عمال أتلفت يمين وشمال وأتفرج على الرايح وإللى جاى ناس نازله من بيوتها وخداها جرى بالمشوار رجاله وحريم وشباب وعيال كبيره وعيال إصغار وبنات رايحين المدارس لابسين إجصير والشعر على إلكتاف سايح إللى يجول بصبح يا جميل وإللى يغمز بالعين ولا فيه إختشى ولا حصوة ملح فى العين عالصبحيه العين على البنات جويه حتى الرجاله جايمه من النوم سعرانه عنيهم عتتلفت يمين وشمال هو فيه أيه محداكمش حريم زيهم ولا هى فراغة عين والله عيب لما الناس متعرفش معنى العيب يبجى عارف مرته ولا بته نازله الشارع إللى رايحه السوج وحاطه أحمر فوق الشفايف وإللى رايحه المدرسه وسايبه الشعر مكشوف لكل واحد بعنيه شايف يبجى ليه نفس يبص على واحده ويغمز ليها بعنيه ويحدتها بغمز الشفايف طيب يا خوى مش يمكن فيه غيرك عيعاكس دلوكيتى مرتك ولا أختك وإنت عتبص على واحده زيهم وبالعين سايح وعتلجح بالكلام العيب إللى ممكن يصحى الجوارح الواد يا خويا متعلج فى أيد البت ماشيه عتترجص وتشط برجليها فى الأرض شط وإللى ماشيه لافه ملايه سوده مبينه نص رجليها عنترن بخلخالها زى جوز الخيل الناس جاعده على الجهاوى إللى عيشد فى الشيشه وإللى مطنجر بين شفايفه السجاير وإللى عيبرم شنباته متجولش أسد على الكرسى جاعد بعنيه عيتلفت على غزال شارد . والله تلاجيك عتتصبح فى البيت جبل ماتنزل بالشباشب مشوار طويل كله جرف وحاجه تغيظ تخلى الواحد من العار مش شايف وصلنا ميدان كبير مليان ناس وعربيات كتير وزحمه هنا وهناك إتلفت وراه عتمان واد عمى وجالى يالا يا هريدى هنا إجعد جنبى جولتله أجعد فين يا واد عمى . جالى هنا على التليتوار ناس كتير جاعده إللى ماسك بيده شاكوش وإللى ماسك بيده شنطه ناس كتير جاعده وناس كتير واجفه مستنين اى حد عايز عمال يجوموا عليه فاطه يجوموا عليه يجروا زى الفرسان بعد شويه جت وليه راكبه عربيه لكن سبحان من خلج وصور الجسم طويل ومدور يا جدعان شاورت عليا وجالتلى يالا أركب معايا العربيه وخدتنى على البيت عنديها دخلت وراها إتلفت بعنيا على عماره ولا حتى شغلانه تستاهل المشوار وشاورتلى على حيطه كبيره فى المنور جالتلى تأدر تهد الحيطه دى يا بلدينا إنت لسه صغير غازتنى بالكلمه روحت مشمر خلاجتى وجعدت أهد فيها بأديا وسنانى لما خلصتها وماخدتش منى ثوانى جولتلها مافيش حيطان عايزه تتهد تانيه جالتلى لاء هى دى مفيش غيرها حيطان كتر خيرك مش عايزاك تبجى تعبان عيزاك بخيرك زى مانت صعيدى راجل تسد وتهد إنت كده تمام التمام جولتلها طيب عايز أشرب شاى جالتلى شاى أيه يا بلدينا إنت باين عليك جعان بصت عليا بعنيها وضحكت ضحكه زلزلت بيها المكان سابتنى ودخلت جوه غابت شويه وجت جايبه صنيه عليها جوزين حمام وزبديه متغطيه وشوية رغفان وجالتلى أيه رأيك أنا جعانه وهاكل معاك كمان جعدت جارى وجالتلى عيزاك تاكل الأكل ده كله وعرت الزبديه وجالتلى دى عكوه بترم العضم وتخلى الواحد آخر تمام أنى يعلم بحالى إللى خلجنى وخلج فى الحريم الجمال الوليه خلتنى معرفش أجول ولا كلمه لجمتنى زى ما عيلجمه الحصان سحرتنى معرفشى نسيتنى إسمى وخلت العجل منى طار وجعدنا ناكل وبأديها توكلنى فكرتى بالواحده فى الصعيد لما يكون عنديها دكر بط تفضل تزغط فيه ليل ونهار خلصنا الوكل وجالتلى مطرح ما يسرى يمرى يلا بأى أدخل الحمام دخلت الحمام وإتشطفت من العرق والغبار إنضفت بصابون بريحه خلانى تمام التمام خرجت من الحمام وجعدت جابت الشاى وجت وشربنا أنى وهى الشاى . وجالتلى عايز منى كام . جولتلها ولا حاجه كفايه كرمك بزياده جالتلى لاء دى حاجه وعرجك إللى نزل منك حاجه ومدت إديها جو ه عبها وبان من بين إديها صدرها وميلت عليا وإتبسمت بصت فى عنيا وضحكت ضحكه عاليه وجالتلى وهى عتضحك شوف بأى عايز كام بس المهم لما أعوزك وأحب أشوفك أجيبك إزاى جولتلها عارفه عتمان واد عمى أنا جاعد معاه حضرتك مش عارفاه ساكن أول الشارع بعد !للى جاى ضحكت ضحكه عاليه وجالتلى لاء مش واخده بالى ومش عارفاه هو مشهور أوى كده وصيته هنا زايع من زمان جولتلها أيوه أمال عتمان واد عمى جاعد هنا من زمان وكل الناس هنا عارفهم وعارفاه جولتلها أنى يا دوب ليلة إمبارح بس من الصعيد إدليت وجه عتمان ولد عمى خدنى من المحطه وكانت زايطه وعايطه وكنت هروح فى الرجلين عجلى كان تايه وراسى كان مندار وبعد أكتر من ساعه جه عتمان ولد عمى وخدنى وعلى سكنته وجيت وفى الصبحيه خدنى على الموجف وجفنا شويه وجيتى حضرتك بالعربيه خدتينى ودى كل الحكايه من ساعة مطبيت من الجطر لغاية دلوكيتى وأنى هنا فى بيتك وبين إديكى وجفت شويه سارحه عتفكرلى فى سوكنه شرحه وبارحه وفجأه جالتأيه رايك تسكن هنا عندى يا هريدى جولتلها كيف ده يحصل وأسيب واد عمى يتحسر ويجول عليا هريدى لجى لاجيه وهملنى ومسألش عليا يجولوا عليا فى الصعيد أيه براوى أنى ولا أيه لا يا ست هانم مجدرش أهمله وحده واد عمى دا هو اللى شالنى جالتلى ولا يهمك أنا هنغنغك وأدلعك وأنسيك أهلك وبلدك وممكن كمان أتجوزك كيف أنى وافجت وحنكى إتلجم وسكت زى التور إللى علجوه فى الساجيه وغمه عنيه وكأنه ملهوش لازمه وجالتلى خليك هنا شويه هروح مشوار ورجعالك تانى أدخل الحمام وخدلك حمام عندك السخان مليان ميه حاميه خدلك دش وريح شويه أكون أنا جيت جيبالك كام جلبيه دخلت الحمام وإتسبحت وبجيت آخر تمام ودخلت على السرير مددت ونمت نومه عفيه جرب العصر لاجيتها بإديها عتعصر فيا عصر وعتصحينى بحنيه صحيت من النوم وأنى عفرك فى عنيا فتحت جولت أنى فين جالتلى إنت هنا فى أوضة النوم يا عنيا يلا فوء أنا جيبتلك كام جلبيه تعالى إسل وشك بشوية ميه علشان نتغدى وبعدين ننزل نروح للمأزون يكتب عليك وعليا روحنا للمأزون وعليها عجت ورجعنا على البيت وعليها دخلت ونمنا للصبحيه إسبوع بالتمام والكمال ولا حد يعرفلى مكان نسيت عتمان ونسيت هريدى ونسيت كل حاجه وكأنى مشوفتش الدنيا من زمان فى ليله جالتلى أيه رأيك نخرج شويه ونتفسح وأفرججك على مصر أم الدنيا جولتلها موافج . جامت لبست فستان من غير صدر ولا إكمام وحاطه حوالين رجبتها شال ولبستنى جميص وبنطلون زى الأفنديه بصيت على نفسى بكيت وجولت أنى إتهفيت مرتى لابسه عريان وأنى لابس لبس الأفنديه جالتلى مالك يا هريدى المفروض تكون فرحان جولتلها بس يا وليه سبينى فى حالى شويه وهو إللى يغير توبه وينسى أصله وجريبه يبجى فرحان . جالتلى ولا يهمك بكره نلاجى ولد عمك ولما يشوفك هيشكرنى ويجولى كتر خيرك ةهيجولك كمان كتر خيرك يا مدام غيرتى هريدى بعد ما إفتكرته ضاع من إديى وأديه أهه بجى زى الأفنديه شكله غريب عليا مش هو ده هريدى خلاص ضاع منى يا مدام طبطبت عليا ومسكت إديى حبت عليها وجالتلى إنت راجلى وسيدى بس نفسى تنسى وتسمع الكلام .جولتلها حاضر أنى معجدرش أكسرلك كلام كلك حنيه جديده عليا عتلجمينى زى ما عيتلجم الحصان . وخرجنا من البيت إيدها فى إيدى زى البهوات وركبنا العربيه وطارت بينا فرجتنى على الشوارع الجميله نور أيه وجمال أيه وحاجه كده ولا فى الخيال جعدتنى على شط النيل الدنيا ليل والجو جميل . وفسحتنى فوج فى الهرم شويه وروحنا الحسين وسهرنا للصبحيه ورجعنا مبسوطين ونمنا للعصريه جومت من النوم مفزوع حلمت حلم اللهم إجعله خير جال عتمان واد عمى عيبكى وعيدور عليا أتارى الحلم حجيجه سمعت صوته فى الحجيجه عينده عليا ويجول يا هريدى إنت فين يا واد عمى . جالتلى ملك خليك أنا هفتح الباب وإنت هنا الملك طلعت وفتحت الباب ودخلت ومعاها أعز الأحباب عتمان واد عمى مش مصدج إنى هنا جاعد ومدد على السرير ومسطح شويه شافنى عتمان العجل منه خف راسه إندار وضرب كف على كف أنى يا هريدى معرفتكش طلعت من توبك ونسيت أهلك وناسك وحلجت شنبك وسرحت شعر راسك أنى ما عرفتش أتكلم وجعمزت فوج السرير أتألم دموعى فطت من عينى فط جالى دارى خيبتك وإدلى من على السرير يلا يا واد عمى نط ولا عيب عليك يزغطوك كده زى البط وتنسى أصلك وفصلك وفى راسك إتخبطت معجبنيش الكلام ولا ملامة واد عمى عتمان الدم فط فى عروجى وجولتله إسمع يا واد عمى الست دى مرتى وأنى جاعد معاها هنا فى الحلال بصش عليا بعنيه وتف تحت رجليه وجالى عله العوض مصر خدتك منى أنى يا هريدى غلطان بس من دلوكيتى تنسانى وأنى هنساك كمان ورزع الباب وجالى إتهنى يا واد عمى ضحكوا عليك النسوان جت ملك وطبطبت عليا وجالتلى ولا يهمك ياديدى يا حبيبى تعالى نفطر ونريح جوه شويه وسيبك منإبن عمك دا واخدها جد شويه حبستنى شهر بطوله أكل وشرب واللى تجوله جوله بعديها جالتلى أنا نفسى غامه عليا نفسى فى لحمه مشويه جولتلها إياك حامل يا وليه جالتلى لاء متخافش أنا عامله حسابى متجلجش جعدنا على الحال ده شهرين وشويه إفتكرت أمى هفت عليا جولتلها إيه رأيك أنى هسيبك وأهملك وأدلى على الصعيد أطمن على أمى وناسى زمانه عتمان ولعها نار وجلب فوج راسى الكراسى أروح أطمن على أمى وأرجعلك مش هعوج عليكى يا ملك جالتلى لا يا فالح رجلى على رجلك منين متروح معاك معاك معانا العربيه ومش هنتعب فى المواصلات وناخد زياره ياما هنا ويا هناك حاجه كده تشرفك لما تكون ملك حبيبتك معاك جولتلها مظبوط الكلام إنتى تشرفى الصعيد كله ولما يشفوكى يعملولك تعظيم سلام وضحكت بصت عليا وجالت إنت بتتريأ عليا يا هريدى بكره تشوف لما نروح الصعيد وإيدك فى إيدى جولتلها فى سرى فى الصعيد لما يشفوكى هيدورا فيا الضرب بالمركوب وراحت جهزت الزواير جابت من كل حاجه شكاير وستفنا العربيه وركبنا وعلى الصعيد إتوجهنا كانت سايجه وعايجه لابسه عبايه ورايجه وأنى دمى عينشف كل ما يجرب الطريج وهنوصل وأجول قى سرى يا رب يسترها عليك يا هريدى
