سؤال أنا عايز له جواب
لأجل افهم الحقيقة
وأقنع نفسى بالأسباب
عندنا فعلاً فيه أحزاب
والتوصيل م الباب للباب
والاشتراك فيها عادى
ولا حد فى حب مصر داب
وكل حزب له أمانة
والأعضاء وبكل أمانة
مخلصين آخر إخلاص
والحزب خلف الشمس رمانا
كله مخلص لشعار الحزب
وكله (...)
ياللى مرشح نفسك عايز.......تبقى فى مجلس شعبنا
ممكن طبعا تصبح فايز....لو حتراعى ربنا
اوعاك مرة فى جلسة تنام....والا نشوفك كل عام
بعد ما عشنا معاك احلام....مثلت انك بتحبنا
انت بتحب الاصوات......اللى تاخدها فى الانتخابات
بعديها التعلب جه وفات..... وغنى (...)
بحبك يا سمرة .... بحبك يا صابرة
وفى قربك يا حلوة .... الدنيا تبقى حلوة
وفى بعدك تملى ... الحلوة تبقى مرة
وفى ضلك بلاقى ... الراحة والأمان
وفى حضنك بحس ... الحب والحنان
وما لقيتش زيك .... فى أى مكان
والكلام ده قلته ..... لما بعدت مرة
بحبك .... بحبك (...)
كنت بحبك قبل ما اشوفك
كنت بعيش وياك يا حبيبى وبعشق طيفك
كنت باحسن بنظرة عينك.. نبضة قلبك
وبلمساتك وبهمساتك.. حتى كسوفك
لما قابلتك كنت أنا عارفة إنى هقابلك
قلبى يا روحى كان متواعد هو وقلبك
والوجدان كان هو كمان ساكن جنبك
رغم ده كله طلبت عينى يومها (...)
تلميذ فاشل والا موظف
والا مدرس والا معيد
وأرجع أقول جيبتولى جنان
التلميذ شغلته بيذاكر
طول السنة ويفضل فاكر
إنه شطارته إنه يجاوب
ع الأسئلة فى الامتحان
بس خلاص النهارده
الأسئلة بتجيله لحده
ويقول فاكر أيام زمان؟
والوزارة بكل شطارة
شايلة إيدها بكل (...)
كنت فين من زمان........يا محسسنا بالأمان
ياللى مخلينا فى بلدنا.........الفقير والغنى إخوان
كنت فين والقناة.............كانت بس اتجاه
واحد بس بفضل الله......وبهمتك صبحوا اتنين
كنت فين والتموين...........زيت وسكر ونقول أمين
خليتهم انت حاجات (...)
ولا عندى فلوس كتير
يا ريتنى كنت عادى ......... والا حتى فقير
ويا ريت ما كنتى عندى......يا ثروة ما تتعدى
ويا ريتنى كنت موظف..........والا حتى غفير
الناس باصينلى بصة.........كلها حقد مع خسة
ويقولوا اشمعنى هو.....عنده فلوس تملا بير
وفى كل مكان (...)
شوفت خناقة قطعت القلب.. بين إنسان وزميله الكلب
على أكل فى صندوق زبالة.. والله دى حالة غريبة وصعبة
صار لى يومين ما دخلش جوفى.. طعم الزاد علشان ظروفى
ملطشة واهو زود خوفى.. أن أنت مسببلى الرعب
قال طب نقسم سوا بالنص.. بيك أنا حاسس بيا حس
قاله أخرس يا (...)
لابسة على سنجة عشرة
بتدور على حب جديد
وحسبت إنى فتى أحلامها
وقلبها كان بيا سعيد
عيوننا قالت كلام كتير
لكن هب علينا أمشير
عرفت حقييقتى وإنى فقير
فتحت شفايفها وقالت باى
يا دنجوان يا عجوز يا خطير
النمرة كانت غلط يا جدو
دورها تانى من جديد
ممكن تلاقى (...)
ف.. فى شارعنا حاجات غريبة الكل عارفها من زمان
ى.. ياما دوشة وبلطجية والتحرش ومفيش أمان
ص.. صبح وليل أصوات عالية وكلاكسات وأغانى كمان
ل.. لو عندك عربية أركنها يلا يا عم فى أى مكان
و.. ومحدش حيقول يا جماعة بالذمة ده مش حرام ؟
ا.. أما بقى تجار الفرشة (...)
اعرف موظف بيغيب فوق العشرين يوم
فى الشهر الواحد ويقولك انه مظلوم
وانه ما يحبش بالقوانين يبقى محكوم
هو مفيش رحمة فى قلوبكوا يا خلق يا هو
وموظف قال الفهلوة مؤهلاتي
ما بيفهمش حاجة فى الشغل ومزوغاتي
وعلى حساب الدولة بياكل عند الحاتي
وفى كل مكافأة يقول (...)
باقولك.. ابعد عنى
ويا ريتك تنسى إنى
كنت بحبك.. لكن قلبك
مش للحب.. ومش للشوق
وأهو من نفس الكاس يا حبيبى
اشرب يلا وجرب.. دوق
بكل هدوء
وبكل هدوء.. ولأول مرة باقولك لأ
مش هاسمع قلبى مهما يدق
والشمس إن جت م الغرب
رحاقوله يا دى القلب
ولا عمره حارجعله (...)
لسا عايشه فى دنيته
رغم إنك عارفه إنه فى دنيا تانيه
ومستحيل إنه حيرجع مرة تانيه
لسا فاكره ضحكته...همسته
كل حاجة حلوة بينكو....شوق عيونكوا
مانت كنت شمس عمره وضلته
فات شهور وسنين على فراقه الأخير
لسا ذكراه جوه قلبك الكبير
والإخلاص ده شىء فى طبعك
حتى (...)
لو لفيت الدنيا بحالها
زيك مش حالاقى
لكن حبى الأول لسا
جوه فى قلبى باقى
عايش جوه فى إحساسى
وأنا من كتر إخلاصى
صورته باشوفها تمللى فى ضللى
وتزيد له أشواقى
لو لفيت الدنيا بحالها
كان دايما لما يواعدنى
ألاقيه فى حضن عيونه واخدنى
ولا كان يجى على بالى (...)
فاتت سنين ومعاها القطر....... لاجانى شبكة ولا خدت مهر
كل البنات اتجوزوا......وأنا وحدى راح أموت م القهر
كان نفسى فى طفل يقول ماما....وارد عليه يا حبيب ماما
لو يتعب أقول ألف سلامة....وأسهر جنبه لحاد الفجر
أو بنوته بقى حبيبتى.....تكبر ويقولوا عليها (...)
بتقول لو نفتح صفحة جديدة
أيامنا الجاية حتبقى سعيدة
مليانة هنا ومليانة حنان
وحننسى كل خصامنا زمان
ونعيش سوا فى دنيا بعيدة
وتقول لو نفتح صفحة جديدة
شوف كام صفحة اتفتحوا زمان
ومليتهم غدر وحرمان
والحب وحنية قلبك
ولا كان ليهم أى مكان
فى الصفحة ومابقيتش (...)
أقباط مع مسلمين
يا حلاوة الوحدة الوطنية... حلاوتها مع حسن النية
تبقى الحياة ميه ميه.. تبقى البلد ميه ميه
دا المصريين ما يفرقهمش ملة ودين...يا حلاوة
مين اللى واخد ع الوحدة؟.. المصريين
مين اللى أهدافهم واحدة؟...المصريين
واللى قلوبهم متحدة؟.. (...)
مكتوب عليا إنى أقابل.. أصناف من الخلق كتيرة.. المتهم فى قضية ضرب.. والمتهم فى قضية سب.. والمتهم فى قضية نصب.. واللى مخالف التسعيرة.. واللى فتح قرن حماته.. لما اتخانق ويا مراته.. مسكين بيضيع فى حياته.. من شرب النيلة والبيرة.. وشحط طوله ييجى مترين.. (...)